عه‌هد ته‌میمی، ته‌مه‌ن 17 ساڵ، ئه‌و كچه فه‌ڵه‌ستینییه‌ی كه زللـه‌ی له سه‌ربازێكی ئيسرائيلي دا، پاش 7 مانگ له زیندانیكردن له‌گه‌ڵ دایكی له‌لایه‌ن ئیسرائیله‌وه ئازادكرا، دوای ئازادكردنیشی ئه‌و كچه دووپاتی كرده‌وه كه گه‌لی فه‌ڵه‌ستین تا كۆتایی داگیركاری دژى داگیركه‌ران به‌رده‌وام ده‌جه‌نگێت.
عه‌هد ته‌میمی و دایكی له ده‌روازه‌ی شارۆچكه‌ی نه‌بی ساڵح سه‌ر به ڕامه‌ڵڵای كه‌ناری خۆرئاوا، ئازادكران و له‌لایه‌ن هاووڵاتیانه‌وه پێشوازییه‌كی گه‌رمیان لێكرا.
دواتریش له لێدوانێكدا بۆ ڕۆژنامه‌نووسان، عه‌هد ته‌میمی وتی " ده‌ستگیكردن وره‌یان ناڕووخێنێت و، گه‌لی فه‌ڵه‌سین تا كۆتاییهاتنی داگیركاریی ئیسرائیل، له به‌ره‌نگاریی به‌رده‌وام ده‌بێت".
ئه‌و كچه بوێره فه‌ڵه‌ستینییه ئاماژه‌ی به‌وه‌شكرد" ژنه ده‌ستگیركراوه فه‌ڵه‌ستینییه‌كان له گرتووخانه‌كانی ئیسرائیل وره‌یان زۆر به‌رزه، سوپاسی هه‌موو ئه‌وانه‌یشی كرد كه پشتیوانییان كردووه".
عه‌هد ته‌میمی پاش ئه‌وه‌ی له ڕووبوڕووبوونه‌وه له‌گه‌ڵ سه‌ربازێكی ئیسرائلی زللـه‌ی له سه‌ربازه‌كه‌دا، خۆی‌و دایكی له 19ی مانگی كانوونی یه‌كه‌می ڕابردوو له لایه‌ن هێزه‌كانی ئیسرائیله‌وه ده‌ستگیركران.
کۆمێنت (0)
تا ئێستا هیچ کۆمێنتێک نەکراوە.