هاتوچۆی گه‌رمیان له ڕاگه‌ێنراوێكدا ڕایگه‌یاند: كه‌مێك پێش ئێستا ڕووداوێكی هاتوچۆ له جۆری وه‌رگه‌ڕان له سه‌ر ڕێگای كه‌لار - سلێمانی له بانی پێباز ڕوویدا.
له باره‌ی ڕووداوه‌كه پۆلیسی هاتووچۆی گه‌رمیان ڕایگه‌یاندووه: ئۆتۆمبێلێك له جۆری هۆندای سانتافی به ئاڕاسته‌ی كه‌لار هاتووه وه‌رگه‌ڕا كه 5 كه‌سی تێدا بووه.
ده‌شڵێت: هه‌ر پێنج كه‌سه‌كه به هۆی ڕووداوه‌كه‌وه بریندار بوون.
ڕاشیگه‌یاندووه: برینداره‌كان شۆفێر و دوو ئافره‌ت و دوو منداڵ بوون، دوای ڕووداوه‌كه بۆ وه‌رگرتنی چاره‌سه‌ر گه‌یه‌نرانه نه‌خۆشخانه‌ی شه‌هید مه‌لا ئه‌حمه‌د كه‌لاری.
ئاماژه‌ی به‌وه‌ش داوه كه هه‌موو برینداره‌كان له یه‌ك خێزانن و خه‌ڵكی شاره‌بانن و له نه‌ته‌وه‌ی عه‌ره‌بن.
کۆمێنت (0)
تا ئێستا هیچ کۆمێنتێک نەکراوە.