له‌راگه‌یاندراوێكدا كه‌وێنه‌یه‌ك ده‌ست ماڵپه‌ری كوردستان تیڤى كه‌وتووه ، قائیمقامییه‌تى قه‌زای ناوه‌ندی سلێمانى ڕایده‌گه‌ێنێت ، ئاسایشی ئابوری ده‌ست به‌سه‌ر سێ جۆر جپسی دو به‌رواردا ده‌گرێت و ره‌وانه‌ی لیژنه هاوبه‌شه‌كانی قائیمقامیه‌تی سلێمانی ده‌كات.
ئازاد نه‌بی، نوێنه‌ری به‌ڕێوه‌به‌رایه‌تی ته‌ندروستی سلێمانی له لیژنه هاوبه‌شه‌كانی قائیمقامیه‌ت رایگه‌یاند؛ له‌لایه‌ن ئاسایشی ئابورییه‌وه ده‌ست به‌سه‌ر بڕێكی زۆر چپسی (فروزن، كۆڵانه‌كانی پشته‌وه و سنافر) دا گیراوه و ره‌وانه‌ی قائیمقامیه‌ت كراوه.
وتی؛ هه‌رسێ جۆره چپسه‌كه له به‌ڕێوه‌به‌رایه‌تی خۆپاراستنی ته‌ندروستی سلێمانیه‌وه پشكنینی بۆ كراوه و ده‌ركه‌وتووه به‌پێی رێنمایی عێراقی به‌رواره‌كانی رێگه‌پێدراو نیه، بۆیه شیاوی خواردن و به‌كارهێنان نین.
وتیشی؛ بڕی ئه‌و چپسه‌ی ده‌ستی به‌سه‌ردا گیراوه زیاتر له شه‌ش شلیفه، به‌بڕیاری قائیمقام و له‌لایه‌ن لیژنه‌ی له‌ناوبردنه‌وه له ناوچه‌ی تانجه‌رۆی شاری سلێمانی له‌ناوبراوه.
ئازاد نه‌بی، داوا له دایكان و باوكان ده‌كات زیاتر ئاگاداری ئه‌و خواردن و خواردنه‌وانه‌بن كه مناڵه‌كانیان له‌دوكان و ماركێتی كۆڵانه‌كان ده‌یكڕن، له‌كاتی هه‌بونی خۆراك و ماده‌ی ماوه‌به‌سه‌رچوو له‌ڕێی ژماره مۆبایلی (07708677777) یان لاپه‌ڕه‌ی تایبه‌تی (قائمقامیه‌تی سلێمانی) له تۆڕی كۆمه‌ڵایه‌تی فه‌یس بووك لیژنه هاوبه‌شه‌كانی لێ ئاگادار بكه‌نه‌وه.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.