ئه‌مڕۆ هه‌ینی 27-7-2018 خه‌ڵكی نارازی له پارێزگای به‌سره خۆپێشاندانێكیان له ژێر ناوی داواكاریه ستراتیژیه‌كان ئاماده ده‌كه‌ن كه سه‌رجه‌م خواست و داواكارییه‌كانیان تێیدا ده‌خه‌نه‌ڕوو.
له‌و چوارچێوه‌یه‌دا كۆمیته و سه‌ندیكا كۆمه‌ڵه‌كانی پیشه‌سازی بۆ به‌رجه‌سته كردنی خواست و داواكاری خۆپیشانده‌ران وێڕای پشتگیری خۆیان له خۆپیشانده‌ران، داوایان كرد كه خوپیشانده‌ران له كه‌شێكی ئارام و دوور له هه‌ر چه‌شنه تووند و تیژییه‌ك داواكارییه‌كانیان بخه‌نه‌ڕوو.
هه‌روه‌ها ئاشكرایان كرد كه به‌نده‌ری فاو چالاك بكرێته‌وه و به‌نده‌رێكی نێوده‌وڵه‌تی له‌و شوێنه بنیات بنرێت و ئه‌و كارگه و شوێنه پیشه‌سازییانه‌ی كه له‌و سنووره په‌كیان خراوه وه‌گه‌ڕ بخرێنه‌وه بۆ جێبه‌جێ كردنیان، ئه‌و خواستانه‌یان له چوارچێوه‌ی داواكاری به نووسراو، پێشكه‌شی حكوومه‌تی عێراق بكه‌ن.
هاوكات سه‌ندیكا و یه‌كێتی پیشه‌سازیه‌كان داوای ئه‌وه‌شیان كرد كه سه‌رجه‌م ئیمتیازاته‌كانی به‌رپرسانی عێراقی هه‌ڵوه‌شێندرێنه‌وه كه به نایاسایی پێیان دراوه و گه‌نده‌ڵكاره‌كان بدرێنه دادگا.
هاوكات داوایان له حكوومه‌تی عێراق كرد كه گرنگییه‌وه به پیل داواكاری و خواست و پێویستیه‌كانی هاووڵاتیانه‌وه بێت كه ماوه‌ی سێ هه‌فته‌یه هاووڵاتیان بۆ ئه‌و داوایانه‌یان، له زۆربه‌ی شار و شارۆچكه جیاجیاكانی عێراق خۆپیشاندانی نارازیبوون ئه‌نجام ده‌ده‌ن.
کۆمێنت (0)
تا ئێستا هیچ کۆمێنتێک نەکراوە.