به‌هۆی ئه‌وه‌ی له پێگه‌ی خۆی له تویته‌ر رەخنه‌ی توندی له ئه‌رۆدغان گرتبوو، دادگای ئیسته‌نبۆڵ سزای 11 مانگ و 20 رۆژ زیندانی به‌سه‌ر هونه‌رمه‌ندی ناسراوی بواری دراما و سینه‌ما " زوهال ئۆڵجای " سه‌پاند.
ئۆڵجای هونه‌رمه‌ندێكی دیاری بواری دراما و سینه‌مایه له وڵاتی توركیا ، له‌به‌ر ئه‌وه‌ی له سۆسیال میدیاوه ره‌خنه‌ی توندی له "ره‌جه‌ب ته‌یب ئه‌ردۆگان" سه‌ركۆماری توركیا گرتبوو ، له‌لایه‌ن دادگای ئیسته‌نبۆڵه‌وه به‌سووكایه‌تی لێكدرایه‌وه و دادگای 2ی ئیسته‌نبۆڵ سزای 11 مانگ و 20 رۆژ زیندانی به‌سه‌ر ئه‌م هونه‌رمه‌نده سه‌پاند، به‌ڵام تاوه‌كو ئێستە ده‌ستگیر نه‌كراوه .
زوهال ئۆڵجای به‌شداری له ژماره‌یه‌كی زۆرله زنجیره درامای توركیدا كردووه و كه زۆربه‌یان بۆ سه‌ر زمانی كوردی دۆبلاژ كراون ، به‌م هۆیه‌وه ئه‌م هونه‌رمه‌نده له هه‌رێمی كوردستان ناسراوه و باوبانگێكی زۆری هه‌یه .
کۆمێنت (0)
تا ئێستا هیچ کۆمێنتێک نەکراوە.