شه‌وی هه‌ینى عێراق و هه‌رێمى کوردستان دووچاری ئه‌م دیارده‌ سروشتیه‌ ده‌بنه‌وه‌

 به‌پێى ڕاگه‌یاندراوی ده‌سته‌ى فه‌له‌كناسى سعودیه‌  شه‌وی هه‌ینى  27 ى 7 ى 2018 له‌ناوچه‌ى كه‌نداو گه‌وره‌ترین دیارده‌ى سروشتى مانگیران ڕووده‌دات 

به‌پێی ڕاگه‌یاندراوی ده‌سته‌كه‌  مانگیرانه‌كه‌ عێراق و هه‌رێمى كوردستانیش ده‌گرێته‌وه‌ كه‌تێیدا  گەورەترین و تۆخترین دیاردەی مانگگیران بەخۆیەوە دەبێنیت.

له‌به‌شێكى دیكه‌ى ڕاگه‌یاندراوی ده‌سته‌كه‌دا هاتووه‌ ،  کاتژمێر 9:24 شه‌و مانگیران ڕووده‌دات و ماوه‌ی دوو كاتژمێر و چل و سێ خوله‌ك به‌رده‌وام ده‌بێت . 

دیارده‌ی مانگیرانه‌كه‌ش له‌ڕوودانى به‌م شێوه‌یه‌  لەم سەدەیەدا بە گەورەترین دیاردەی سروشتی مانگگیران هەژمار دەکرێت.

له‌كۆتادا ده‌سته‌كه‌ ڕایده‌گه‌ێنێت ،  به‌درێژایی 83 ساڵ ئه‌و ناوچه‌یه‌ دووچاری مانگگیرانی لەو شێوەیەی بەخۆوە نەبینیووە.

شوان عه‌زیز