به‌رێوه‌به‌رایه‌تی پۆلیسی پارێزگای سلێمانی له ڕاگه‌ێنراوێكدا ڕایگه‌یاند: له‌ئه‌نجامی شه‌ڕی نێوان دوو دراوسێ له‌ناحیه‌ی بازیانی سه‌ر به‌پارێزگای سلێمانی، چوار كه‌س به‌فیشه‌ك بریندار بون، دواتر له‌لایه‌ن مه‌فره‌زه‌كانی بنكه‌ی پۆلیسی بازیانه‌وه توانرا پێنج تۆمه‌تبار ده‌ستگیربكرێت.
ڕاشیگه‌یاند: دوای گه‌یشتنی هێزه‌كانی پۆلیس، توانرا پێنج كه‌س به‌تۆمه‌تی به‌شدارییكردن له‌شه‌ڕه‌كه ده‌ستگیربكرێن كه چواریان بریندارن‌و له‌ئێستادا به‌فه‌رمانی دادوه‌رو به‌پێی ماده‌ی 405 برگه‌ی 31 له‌یاسای سزادانی عێراقی به‌ندن.
پۆلیسی سلێمانی ڕاشیگه‌یاند: هاوكات له‌لایه‌ن بنكه‌ی پۆلیسی بازیانه‌وه په‌راوی لێكۆڵینه‌وه بۆ روداوه‌كه كرایه‌وه‌و لێكۆڵینه‌وه‌كان به‌رده‌وامن.
کۆمێنت (0)
تا ئێستا هیچ کۆمێنتێک نەکراوە.