‌داعش به‌رپرسیارێتی خۆی له‌ هێرشه‌که‌ی که‌نه‌دا راگه‌یاند

رێكخراوی داعش بەرپـرسیارێتی خۆی لە هێرشە خوێناوییەکەی شەوی یەکشەممەی شاری تۆرۆنتۆی کەنەدا راگەیاند كه‌ تیایدا دوو كچ كوژران.

ئاژانسی ئەعماقی سه‌ربه‌ رێكخراوی داعش ئەمڕۆ چوارشەممە 25ی ته‌مموزی 2018، نوسراوێکی بڵاوکردەوە و تیایدا ده‌ڵێت:" ئەنجامدەری هێرشەکەی شەوی یەکشەممەی شاری تۆرۆنتۆی باشوری رۆژهەڵاتی کەنەدا یەکێک بووە لە سەربازەکانی دەوڵەتی ئیسلامی و لەسەر بانگەوازەکان بۆ بە ئامانجکردنی خەڵکی وڵاتانی هاوپەیمانان، ئه‌و هێرشه‌ی ئەنجامی داوە."

پـێشتر پـۆلیسی کەنەدا رایگەیاند کەسێک بە ناوی فەیسەڵ حسێن كه‌ تەمەن 29 ساڵ بووه‌ لە کاژمێر 10 ی شەوی یەکشەممە بە شێوەیەکی هەڕەمەکی بە دەمانچە لە ناوچەی گرێکتاونی شاری تۆرۆنتۆ تەقەی لە خەڵکی کردووە و لە ئاکامدا 2 کچ کوژران کە یەکێکیان تەمەنی 10 ساڵ بوو و ئەوی دیکەیان 18 ساڵ، 13 کەسی دیکە برینداربوون.

ئاماژه‌ی به‌وه‌شداوه‌ كه‌ هێزەکانی پـۆلیس روبەڕوی چەکدارەکە بونەتەوە و لە ئاکامی شەڕە تەقە لەگەڵیدا کوشتویانە.