ئه‌مڕۆ چوارشه‌ممه 25ى ته‌موزی 2018 كۆمسیۆنى باڵاى سه‌ربه‌خۆی هه‌ڵبژاردن و راپرسى هه‌رێمى كوردستان ماوه‌ی تۆمار كردنی لیست و قه‌واره سیاسه‌كانی تاكوو رۆژی یه‌كشه‌مه رێكه‌وتی 29ـی 7ـی 2018 درێژ كرده‌وه .
له كۆنگره‌یه‌كی رۆژنامه‌وانیدا شێروان زرار گوتەبێژی كۆمسیۆنی باڵای هەڵبژاردن و راپرسی هەرێمی كوردستان رایگه‌یاند: له‌سه‌ر داوای به‌شێك له لایه‌نه سیاسیه‌كان و به بڕیاری ده‌سته‌ی ئه‌نجوومه‌نی كۆمسیارانی كۆمسیۆنی باڵای سه‌ربه‌خۆی هه‌ڵبژاردنی هه‌رێم، ماوه‌ی تۆمار كردنی لیست و قه‌واره سیاسه‌كانی تاكوو كاتژمێر 10ی سه‌ر له به‌یانی رۆژی یه‌كشه‌مه رێكه‌وتی 29ـی 7ـی 2018 درێژ كرده‌وه .
راشیگه‌یاند: به پێچه‌وانه‌وه هه‌ر لیست و قه‌واره‌یه‌ك تا ئه‌و رێكه‌وته ناوی پێشكه‌ش به كۆمسیۆن نه‌كات ئه‌وا له هه‌ڵبژاردن بێبه‌ش ده‌بێت.
کۆمێنت (0)
تا ئێستا هیچ کۆمێنتێک نەکراوە.