وته‌بێژی پۆلیسی گه‌رمیان رایده‌گه‌یه‌نێت، له‌قه‌زای كفری گه‌نجێك فیشه‌ك ده‌نێت به‌هاوڕێیه‌كی خۆییه‌وه‌و دوای گه‌یاندنی بۆ نه‌خۆشخانه‌ی سلێمانی گیانی له‌ده‌ستدا.
رائیدی مافپه‌روه‌ر عه‌لی جه‌مال قه‌دوری وته‌بێژی پۆلیسی گه‌رمیان له تۆڕی كۆمه‌ڵایه‌تی فه‌یسبووك ئاشكرایكردووه، رۆژی یه‌كشه‌مه له‌قه‌زای كفری دوای دروستبوونی ده‌مه‌قاڵه له‌نێوان دوو كه‌س، گه‌نجێكیان فیشه‌ك به‌هاوڕێیه‌كی خۆیه‌وه‌ده‌نێت به‌ناوی (زیاد كه‌مال عه‌بدوڵڵا) له‌دایكبووی 1998، دوای ره‌وانه‌كردنی بۆ نه‌خۆشخانه‌ی فریاكه‌وتنی سلێمانی گه‌نجه‌كه گیانی له‌ده‌ستدا.
باس له‌وه‌شكراوه، له ئێستادا تۆمه‌تبار به‌ناوی " ا، ب، ع" به‌بڕیاری دادوه‌رو به‌پێی ماده‌ی 405 به‌ندكراوه‌و پۆلیسی قه‌زای كفری ده‌ستی به‌لێكۆڵینه‌وه كردووه له‌سه‌ر چۆنێتی و هۆكاری رووداوه‌كه.
کۆمێنت (0)
تا ئێستا هیچ کۆمێنتێک نەکراوە.