بۆ خۆپاراستن له‌ په‌تای سکچوون ئه‌م ڕێنماییانه‌ جێبه‌جێ بکه‌

هاووڵاتی خۆشه‌ویست، بۆ خۆپاراستن له‌ په‌تای سكچوون ئه‌م ڕێنماییانه‌ی خواره‌وه‌ جێبه‌جێ بكه‌:

1: پێویسته‌ تانكی ئاوی خواردنه‌وه‌ به‌به‌رده‌وامی پاك بكرێته‌وه‌، بۆ نمونه‌ لانی كه‌م شه‌ش مانگ جارێك و ده‌بێت تانكی ئاوه‌كان به‌به‌رده‌وام سه‌ری داپۆشراوبێت.

2: سه‌وزه‌ و میوه‌ به‌باشی بشۆردرێته‌وه‌ به‌مادده‌ی په‌رمه‌نگه‌ناتی پۆتاسیۆم.

3: خواردنی سه‌ر عه‌ره‌بانه‌ و ده‌ست گێڕه‌كان مه‌ترسیدارن و خۆیان لێ بپارێزه‌ بۆ دووربونت له‌ نه‌خۆشی سكچوون.

4: له‌كاتی بینینی هه‌ر سه‌رپێچییه‌ك كه‌ زیان به‌ ته‌ندروستی هاووڵاتیان بگه‌یه‌نێت، پێویسته‌ نزیكترین بنكه‌ی ته‌ندروستی یاخود به‌ڕێوبه‌رایه‌تی خۆپاراستنی ته‌ندروستی سلێمانی لێ ئاگادار بكه‌ره‌وه‌.

5: دڵنیابه‌ له‌ سه‌رچاوه‌ی ئاوی خواردنه‌وه‌كه‌ت  و پاك و خاوێن  ڕاگرتنی.

6: نه‌خواردنی ئه‌و به‌روبوومانه‌ی كه‌ به‌ ئاوی قورس و پیس ئاو ده‌درێت.

7: شوشتنی ده‌سته‌كانت به‌باشی پێش ئاماده‌كردنی خواردنه‌كان و دوای چوونه‌ ته‌والێت و پێش نان خواردن.

8: ته‌نها به‌فرگری ماڵه‌كانتان به‌كاربهێنن بۆ ساردكردنی ئاوی خواردنه‌وه‌، به‌هیچ شێوه‌یه‌ك سه‌هۆڵ و به‌فری سه‌رجاده‌ و كۆڵانه‌كان به‌كار مه‌هێنه‌ ڕه‌نگه‌ به‌ ئاوی پاكژكراو دروست نه‌كرابێت.

 سه‌رچاوه‌/ ڕاگه‌یاندنی ته‌ندروستی سلێمانی

كوردستان تیڤی/ كامران حاجی