لە رووداوێکی هاتوچۆدا ، دوو کەس سوتاون و یه‌كێكی دیكه‌ش برینداربوو، تەرمەکان نەناسراونەتەوە و رەوانەی پزیشکی دادی هەولێر کراون.
عەقید زاهیر محەمەد، بەڕێوەبەری پۆلیسی هاتوچۆی کۆیە رایگەیاند، رووداوەکە کاتژمێر 2:30 خولەکی ئەمڕۆ لەنێوان ئۆتۆمبیلێلکی تویوتای بارهەڵگر و پاسێکی نەفەرهەڵگر رویداوە و هۆکارەکەشی پابەند نەبوون بە یاساکانی هاتووچۆ، چونکە یەکێک لە ئۆتۆمبێلەکان لە شوێنێکدا پێشڕەویکردووە کە هێمای قەدەغە لە تەنیشت شه‌قامه‌كه هەبووە و هێڵی نەپچڕاویش هەبووە.
عەقید زاهیر گوتیشی: لەئەنجامی رووداوەکە تۆیۆتاکەکە سوتاوە و بەهۆی سوتانی تەرمی شۆفێر و سەرنشینەکەی دیکە لەنێو تۆیۆتاکە، تەرمەکان نەناسراونەتەوە و رەوانەی پزیشکی دادی هەولێر کراون.
کۆمێنت (0)
تا ئێستا هیچ کۆمێنتێک نەکراوە.