به‌هۆی دزه‌كردنی چه‌كدارنی داعش له‌ماوه‌ی دوورۆژدا له چیای قه‌ره‌چوغ و ده‌وروبه‌ری هاوپه‌یمانان به هه‌ماهه‌نگی هێزه‌كانی پێشمه‌رگه‌ی كوردستان پێنچ چه‌كداری تیرۆریستی داعش كوژراون.
له‌و باره‌یه‌وه، سیروان بارزانى، فه‌رمانده‌ى میحوه‌رى گوێڕ - مه‌خموورى هێزه‌كانى پێشمه‌رگه، به‌ماڵپه‌ری كوردستان تیڤی رایگه‌یاند، سه‌رله‌ئێواری ئه‌مرۆ كاتژمێر 6 به‌هۆی بوونی جموجۆڵی چه‌ند چه‌كدارێكی تیرۆریستانی داعش له چیای قه‌ره‌چووغ فرۆكه‌كانی هاوپه‌یمان به هه‌ماهه‌نگی هێزه‌یكانی پێشمه‌رگه له‌و میحوه‌ره‌دا داعشیان بۆردومان كرد و له ئاكامى ئه‌و بۆردومانه‌دا دوو چه‌كدارى داعش كوژراون.
جێی وه‌بیرهێنانه‌وه‌یه دوێنی شەممه (30-6-2018) به‌هه‌مان شێوه هێزەکانی پێشمەرگە بە هاوکاری هاوپەیمانان لە چیای قەرەچووغ لە سنووری مەخموور ئۆپەراسیۆنێکیان بۆ سەر چه‌كدارانی داعش ئەنجامدا و سێ چەکدار کوژراون، لەنێویاندا عامر ناسراوه بە ئەبو عوبەیدە، بەرپرسی دارایی و لۆجستی داعش كوژراوه.
کۆمێنت (0)
تا ئێستا هیچ کۆمێنتێک نەکراوە.