دوو ته‌قینه‌وه‌ی به‌هێز که‌رکوکیان هه‌ژاند

به‌ره‌به‌یانی ئه‌مڕۆ دوو ته‌قینه‌وه‌ی به‌هێز كه‌ركوكیان هه‌ژاند و كوژراو برینداری لێكه‌وته‌وه‌.

به‌ره‌به‌یانی ئه‌مڕۆ 2 ته‌قینه‌وه‌ له‌ كه‌ركوك ڕوویاندا كه‌ ته‌قینه‌وه‌ی یه‌كه‌م له‌ كاتژمێر 5:25 خوله‌كی به‌ری به‌یان له‌ باشووری كه‌ركوك و  له‌به‌رده‌م كۆگایه‌كی هه‌ڵگرتنی سندووقه‌كانی ده‌نگدان له‌ ڕێگه‌ی ئۆتۆمبیلێكی جۆری فۆرد پیكابی بۆمبڕێژكراو ڕوویداوه‌ كه‌ بووه‌ هۆی كوژرانی هاوڵاتییه‌كی سیڤل و برینداربوونی 19 كه‌س كه‌ 10 له‌ برینداره‌كان پۆلیسی فه‌رمانگه‌كانی كه‌ركوكن و 9 برینداره‌كه‌ی تریش چه‌كداری دژه‌تیرۆری عێراقن.

ته‌قینه‌وه‌ی دووه‌م له‌ باشووری كه‌ركوك له‌ ڕێگه‌ی بۆمبێكی چێندراوه‌وه‌ ڕوویداوه‌ و به‌ پێی زانیارییه‌كان ته‌نیا زه‌ره‌ری ماددی هه‌بووه‌ و زه‌ره‌ری گیانی لێنه‌كه‌وتۆته‌وه‌.

هه‌ڵۆ جه‌باری