سه‌رچاوه‌یه‌كی كه‌شناسی عێراق هۆشداری ده‌دات كه پله‌كانی گه‌رما له پارێزگاكانی باشوور ده‌گاته 50 پله و پێنج رۆژ ده‌خاێنێ.
سه‌رچاوه‌یه‌ك له‌كه‌شناسی عێراق به سۆمه‌ر نیوزی راگه‌یاندووه: شه‌پۆڵێكی گه‌رما زۆربه‌ی ناوچه‌كانی عێراق ده‌گرێته‌وه و له رۆژی یه‌ك شه‌ممه‌وه ده‌ست پێده‌كات و تا رۆژانی چوارشه‌ممه و پێنج شه‌ممه به‌رده‌وامی ده‌بێت.
هه‌روه‌ها ده‌شڵێت: له ماوه‌ی ئه‌و چه‌ند رۆژه‌دا پله‌كانی گه‌رما له هه‌ندێك شوێن ده‌گاته 50 پله‌ی گه‌رمی و له‌شاری به‌غداش ده‌گاته 47 پله‌ی گه‌رمی.
ئه‌و سه‌رچاوه ئه‌وه‌شی ئاشكراكردووه كه ئه‌و شه‌پۆڵه گه‌رمایه زیاتر پارێزگاكانی باشوور، وه‌ك ناسریه‌و به‌سره‌و عه‌ماره ده‌گرێته‌وه.
هه‌روه‌ها به پێی راگه‌یه‌ندراوێكی به‌رێوه‌به‌رایه‌تی گشتی كه‌شناسی و بومه‌له‌رزه‌زانی هه‌رێمی كوردستان پله‌كانی گه‌رما له شاره‌كانی هه‌رێمی كوردستان بۆ رۆژی یه‌ك شه‌ممه به‌م شێوه‌یه ده‌بێت: هه‌ولێر 41پله، سلێمانی 40 پله، دهۆك 39، كه‌ركوك 42.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.