به پێى هه‌واڵێكى ڕۆیته‌رز له پاش نیوه‌ڕۆى دوێنێ پینج شه‌ممه 28ى حوزه‌یرانى 2018، پیاوێك به تفه‌نگى ڕاو و نارنجۆكێكى دووكه‌ڵ هێرشى كرده ژوورى ده‌نگوباس له ڕۆژنامه‌ى (Capital Gazette) له ویڵایه‌تى ماریڵاند سه‌ر به وڵاته یه‌كگرتووه‌كانى ئه‌مریكا، به لایه‌نى كه‌م 5 كه‌سى كوشت.
پۆلیسى وڵاته یه‌كگرتووه‌كانى ئه‌مریكا ڕایانگه‌یاند: ئه‌م هێرشه به كوشنده‌تریت هێرش تۆمار ده‌كرێت بۆ سه‌ر میدیاى وڵاته‌كه‌یان.
گومان لێكراوه‌كه ده‌ستبه‌سه‌ركرا له‌لایه‌ن پۆلیسه‌وه و ناوى جاروود ده‌بلیوو ڕامۆسه و ته‌مه‌نى 38 ساڵه، مێژوویه‌كى ناكۆك درێژى هه‌بووه له‌گه‌ڵ ڕۆژنامه‌ى (Capital Gazette)، هه‌روه‌ها ڕۆژنامه‌كه ژماره‌یه‌ك له ڕۆژنامه‌ى ناوخۆیى به‌رهه‌م ده‌هێنێت.
به پێى ڕاگه‌یاندنى پۆلیسى ویلایه‌ته‌كه ئه‌و 5 كه‌سه‌ى بوونه قوربانى هێرشه‌كه نووسه‌ر و سه‌رنووسه‌ر و فه‌رمانبه‌رى ڕۆژنامه‌كه بوون.
له ئێستادا رۆژنامه‌ی (Capital Gazette) رۆژانه 67 هه‌زار خوێنه‌ری هه‌یه و له رۆژانی یه‌كشه‌مه ئه‌و ژماره‌یه بۆ 83 هه‌زار كه‌س به‌رز ده‌بێته‌وه.
ئاماده‌كردن و وه‌رگیران/ سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.