به‌ڕێوه‌به‌رایه‌تى گشتیى ته‌ندروستیى هه‌ولێر له‌باره‌ى كه‌مبوونه‌وه‌ى خوێنى (-o) له بانكى خوێن، بانگه‌وازێكى به‌په‌له‌ى بڵاوكرده‌وه، داوای له هاووڵاتیان و خێرخوازان كردووە ئه‌وانه‌ى له‌و جۆره خوێنه‌یان هه‌یه، بیبه‌خشن.
له بانگه‌وازه‌كه‌ى به‌ڕێوه‌به‌رایه‌تى گشتیی ته‌ندروستىی هه‌ولێردا هاتووه "به‌ڕێوه‌به‌رایه‌تى بانكى خوێن له هه‌ولێر زۆر پێویستى به‌خوێنه له جۆرى (-o) و باڵانسی ئه‌و جۆره گرووپه له بانكى خوێنى هه‌ولێر زۆر دابه‌زیوه، تكایه ئه‌وانه‌ى خوێنیان له‌و جۆره‌یه خوێن ببه‌خشن".
له بانگه‌وازه‌كه‌دا ئاماژه به‌وه دراوه "ته‌نها له سنوورى پارێزگاى هه‌ولێر ڕۆژانه زیاتر له 300 بوتڵى جۆراوجۆر خوێن و پێكهاته‌كانى بۆ نه‌خۆشانى نه‌خۆشخانه حكوومی و ئه‌هلییه‌كان خه‌رج ده‌كرێت".
کۆمێنت (0)
تا ئێستا هیچ کۆمێنتێک نەکراوە.