Erbil 15°C یەکشەممە 03 ئازار 20:05

قایمقامێکى نوێ بۆ قەزای خورماتوو بە وەکالەت دانرا

قایمقامه‌كه‌ بەڕێوەبەری شارەدێی سلێمان بەگە
کوردستان TV
100%


ئەمڕۆ پێنجشەممە، 21/6/2018 قایمقامێكى نوێ بۆ قەزای خورماتوو بە وەكالەت دانرا، كە هاوکات بەڕێوەبەری شارەدێی سلێمان بەگە.

بەپێی نووسراوێكی پارێزگای سەڵاحەدین كە بە ژمارە 5449 لە 5/6/2018 دەرچووە ، بڕیار دراوە بە بەخشینی (لەیس حەمید خەڵەف) لە پۆستی قایمقامی قەزای خورماتوو بە وەكالەت و دانانی (تالب محەمەد مستەفا) بەڕێوەبەری شارەدێی سلێمان بەگ لە شوێنەكەی بە وەكالەت".
 
تێزانین پاش هێرشی سوپای عێراق و حەشدی شەعبی بۆ سەر ناوچە كوردستانییەكانی دەرەوەی ئیدارەی هەرێم لە 16 ی ئۆكتۆبەری ساڵی ڕابردوودا، بەشێكی زۆر لە پۆستە ئیداری و ئەمنییەكانی سنووری پارێزگای كەركووك و قەزای خورماتوو لە كورد وەرگیرانەوە، لەو چوارچێوەیەشدا ئەنجومەنی قەزای خورماتوو لە دانیشتنی ژمارە یەكی ڕۆژی 10/1/2018 بەبێ ئامادەبوونی 9 ئەندامی ئەنجومەنەكە و بە زۆرینەی دەنگی ئەندامانی ئامادەبووی ئەنجومەنەكە بڕیاری دا بە دوورخستنەوەی شەلال عەبدول قایمقامی قەزای خورماتوو، کە پۆستەکەی لەسەر پشکی یەكێتی نیشتمانیی كوردستان بوو.

ktv


 

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.