له‌ دهۆک ئاگر له‌ کەمپێکى ئاوارەکان که‌وته‌وه‌

پاش نیوه‌ڕۆى ئەمڕۆ دووشه‌ممه، ئاگر لە کەمپی" کەبەرتوو"ی ئاوارەکان لەسنوری قەزای سێمێڵى سەربەپارێزگای دهۆك کەوته‌وەو به‌هۆیه‌وه‌ سێ خێوەت سووتان، به‌لام هیچ زیانى گیانى به‌دواوه‌نه‌بوو.

رائید بێوار عەبدولعەزیز، بەرپرسی پەیوەندی و راگەیاندنی بەڕێوبەرایەتیی بەرگریی شارستانی دھۆک راگەیاند، رووداوەکە ھیچ زیانی گیانی نەبووە ، بەڵام سێ خێمەی ئاوارەکان لەگەڵ کەلوپەلەکانی ناویان سووتاون و تاكو ئێستاش هۆكارى سووتنه‌كه‌ى دیارنیه‌.

تێزانین ئه‌مه‌ شەشەمین جاره‌ له‌م سالدا ئاگر لە کەمپەکانی سنووری پارێزگای دھۆک دەکەوێتەوەو زیانى گیانى و ماددى به‌ر په‌نابه‌ران ده‌ده‌ن.