چالاكوانانی تۆڕه كۆمه‌ڵایه‌تییه‌كان به شێوه‌یه‌كی به‌ربڵاو وێنه‌ی ئه‌م منداڵه‌یان بڵاوكرده‌وه كه دایك و باوكی له ته‌قینه‌وه‌یه‌كدا بوونه قوربانی و خۆیشی برینداربوو،له ئێستاشدا مونا به‌مه‌به‌ستی چاره‌سه‌ر وه‌رگرتن له نه‌خۆشخانه‌یه.
هه‌روه‌ها چالاكوانان ناویان له مونا ناوه په‌پووله‌كه‌ی خانه‌قین و هاوكاتیش ئه‌و كرده‌وه تیرۆریستییه ئیدانه ده‌كه‌ن.
رۆژی یه‌ك شه‌ممه 17 ی حوزه‌یرانی 2018 ، هاووڵاتی ئاراز فه‌رمان مه‌ردان ، كه دانیشتووی قه‌زای خانه‌قینه‌و پیشه‌ی كرێكاره ، به‌مه‌به‌ستی پشوودانی جه‌ژنی ڕه‌مه‌زان چوونه‌ته باخچه‌ی خۆیان له‌گوندی (مه‌ردان)ـی سه‌ر به‌خانه‌قین ، كه‌چی له‌ڕێگادا بۆمبێكی چێندراو به‌ئۆتۆمبێڵه‌كه‌یاندا ته‌قیوه‌ته‌وه‌و له‌ئه‌نجامدا خۆی وخێزانه‌كه‌ی گیانیان له‌ده‌ستداوه ، له‌ته‌قینه‌وه‌كه‌شدا سێ منداڵی ئه‌و خێزانه بریندار ده‌بن كه‌برینی یه‌كێكیان سه‌خته و یه‌كێیش له‌و منداڵانه ناوی مونا-یه و به په‌پووله‌كه‌ی خانه‌قین ناونراوه .
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.