ئه‌مڕۆ یەکشەممە كاتژمێر 11 پێش نیوه‌رۆ له سێیه‌م ڕۆژى جه‌ژنى ره‌مه‌زاندا، لە ڕووداوێکی هاتوچۆدا 5 کەس برینداربوون کە سه‌رجه‌میان عەرەبن.
له‌راگه‌یاندراوێكدا كه وێنه‌یه‌كى ده‌ست ماڵپه‌رى كوردستان تیڤى كه‌وتووه ڕایده‌گه‌یه‌نێت: ڕووداوێکی هاتوچۆ لە جۆری پێکدادان لەسەر ڕێگای کەلار سلێمانی بەرامبەر کەمپی زانکۆی گەرمیان لە نێوان دوو ئۆتۆمبێل لە جۆری (نیسان دەبڵ و گلایزەر بلایمۆپ)ڕوویدا.
لە ڕووداوەکەدا 5 کەس برینداربوون کە سه‌رجه‌میان لە نەتەوەی عەرەبن، ئۆتۆمبێلەکان بە ئاڕاستەی سلێمانی ڕۆشتوون ئۆتۆمبێلی جۆری گلایزەر کۆنتڕۆڵی لەدەستداوە و لە دواوە خۆی کێشاوە بە دەبڵ نیسانەکەدا و پاشان دەبڵەکە وەرگەڕاوە شۆفێر و دوو سەرنشینی تێدا بووە برینداربوون، بریندارەکان بۆ وەرگرتنی چارەسەر ڕەوانەی نەخۆشخانەی فریاکەوتنی شەهید هەژار کراون.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.