ئاری ئەحمەد به‌رێوه‌به‌رى ئاوى هه‌ولێر له‌لێدوانى بۆ كوردستان تیڤى رایگه‌یاند ، تیمه‌كانى چاككردنه‌وه‌ى ئاو توانیویانه بۆڕییه شكاوه‌كه‌ى پرۆژه‌ى ئاوى ئیفرازی هه‌ولێر چاك بكه‌نه‌وه ، له‌ئێستادا ئاو بۆ هه‌ولێر نێردراوه‌ته‌وه و له ماوه‌ى 24 كاتژمێری داهاتوودا ته‌واوى هاوڵاتیان له‌گه‌ڕه‌كه‌كانى هه‌ولێر ئاویان پێده‌گات .
ئاری ئه‌حمه‌د ڕاشیگه‌یاند ، هه‌ندێك گه‌ڕه‌ك هه‌یه له‌ماوه‌یه‌كى كه‌متر ئاوى پێده‌گات ، ناوبراو ڕاشیگه‌یاند به‌هۆى ئه‌وه‌ى بۆ ماوه‌ى 72 كاتژمێر تۆڕه‌كانى ئاو به‌تاڵ ببون بۆیه پێویستی به‌كاتى ئاماژه پێدراو هه‌یه تا ئاو بۆ ته‌واوى گه‌ڕه‌كه‌كانى هه‌ولێر بگه‌ڕێته‌وه .
چوارشه‌ممه‌ی رابردوو به‌هۆی دروست كردنى چه‌ند مه‌خزه‌نێك له‌هێلى سه‌ره‌كى پڕۆژه‌ى ئاو ، شكانی بۆڕى ئاوى سه‌ره‌كى هه‌ولێر ڕوویدا ، به‌هۆیه‌وه 15 گه‌ڕه‌كى هه‌ولێر بێ ئاو بوون
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.