حه‌سه‌ن نه‌سروڵڵا رێبه‌ری حزبوڵڵای لوبنان له وه‌ڵامی گوشاره‌كانی ئه‌مریكا و ئیسڕائیلدا بۆسه‌ر تاران و هاوپه‌یمانه‌كانی سه‌باره‌ت به ده‌رچوون له سووریا، راگه‌یاند كه چه‌كدارانی حزبوڵڵا تا ئه‌وكاته‌ی كه به‌شار ئه‌سه‌د بخوازێت، له‌ناو خاكی سووریا ده‌مێننه‌وه.
نه‌سروڵڵا له وتارێكی ته‌له‌ڤزیۆنیدا وتی: با پێتان رابگه‌یه‌نم كه ئه‌گه‌ر هه‌موو جیهان كۆببنه‌وه تا ئێمه ناچار به ده‌رچوون له سووریا بكه‌ن، ناتوانن ئه‌مكاره بكه‌ن و ته‌نیا رێبه‌ری سووریایه كه ئه‌وه‌ی له‌ده‌ست دێت.
ئه‌و لێدوانه نوێیه‌ی حه‌سه‌ن نه‌سروڵڵا له‌كاتێكدایه كه ئیسڕائیل چه‌ندینجار هێزه‌كانی ئێران و حزبوڵڵای له‌خاكی سووریادا كردووه به ئامانجی هێرشه‌كانی خۆی و هه‌روه‌ها واشنتنیش ده‌خوازێت كۆماری ئیسلامی ئێران و هێزه‌كانی ژێر فه‌رمانی له سووریا بڕۆنه ده‌ره‌وه.
سه‌رچاوه / رادیۆ فه‌ردا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.