هەردوو مەکتەبی سیاسیی پارتی دیموکراتی کوردستان و یەکێتیی نیشتمانیی کوردستان کۆبوونەوە و هه‌ڵوه‌شاندنەوە‌ى ده‌نگدانى تایبه‌تیان له هه‌رێمى كوردستان رەتکردەوە.
ئه‌مرۆ پێنجشه‌ممه 7-6-2018 ، كۆبوونه‌وه‌ى هه‌ردوو مه‌كته‌بى سیاسیى پارتى دیموكراتى كوردستان و یه‌كێتیى نیشتمانیى كوردستان له هه‌ولێر به‌ڕێوه‌چوو.
دواتر راگه‌یندراوێكى هاوبه‌شیان بلاو كرده‌وه، كه ئه‌مه‌ش ده‌قی راگه‌یێندراوەکەیه:-
ئه‌مڕۆ پێنجشه‌ممه 7/6/2018، كۆبوونه‌وه‌ى هه‌ردوو مه‌كته‌بى سیاسیى پارتى دیموكراتى كوردستان و یه‌كێتیى نیشتمانیى كوردستان له هه‌ولێر به‌ڕێوه چوو.
له كۆبوونه‌وه‌كه‌دا دۆخى دواى هه‌ڵبژاردنه‌كانى په‌رله‌مانى عێراق و لێكه‌وته‌كانى دواى ڕاگه‌یاندنى ئه‌نجامه‌كانى ده‌نگدان تاووتوو كرا و، هه‌ردوولا جه‌ختیان له گرینگیى ته‌بایى و یه‌كڕیزیى لایه‌نه كوردستانییه‌كان له به‌غدا كرده‌وه.
كۆبوونه‌وه هه‌ڵوه‌شاندنه‌ى ده‌نگدانى تایبه‌تى له هه‌رێمى كوردستان ڕه‌ت كرده‌وه و جه‌ختى له‌وه كرده‌وه كه به‌پێى ده‌ستوور هه‌ر هاووڵاتییه‌ك مافى ده‌نگدانى هه‌یه و ناتوانرێ ئه‌و مافه‌ى لێ زه‌وت بكرێت و ده‌بێ ڕێز له‌و مافه ده‌ستوورییه بگیرێت.
كۆبوونه‌وه دووپاتى كرده‌وه كه لە جیاتی ڕێزگرتن له ڕۆڵى قاره‌مانانه‌ى پێشمه‌رگه له شه‌ڕى دژى داعش و پێزانین بۆ ئەو هەموو قوربانى و قارەمانییەتییە زۆره‌ی نواندوویانه، کەچی به بڕیارێكى ئینفیعالیى په‌رله‌مانى عێراق، مافی دەنگدانی لێ سەندراوەتەوە.
كۆبوونه‌كه دۆخى ناوخۆى كوردستان و چه‌ند پرس و بابه‌تێكى دیكه‌ى په‌یوه‌ست به دۆخى عێراق و ناوچه‌كه تاووتوو كرد.
کۆمێنت (0)
تا ئێستا هیچ کۆمێنتێک نەکراوە.