كۆمسیۆنی باڵای سەربەخۆی هەڵبژاردنەكان لە عێراق لە نامەیەكدا بۆ پەرلەمانی عێراق رایگەیاندووە، كە بڕیاری دانیشتنە نائاساییەكەی پەرلەمان لە روژى 28/5/2018دا لەلایەن سەرۆك كۆمارەوە تانەی لێدراوە، بۆیە لەمبارەیەوە چاوەڕوانی بڕیاری دادگای باڵای فیدراڵی دەكەن.
كۆمسیۆن لە نامەكەدا، كه ئیمزای مەعن هیتاوی سەرۆكی ئەنجوومەنی كۆمسیارانی لەسەرە، ئاماژەی داوە كۆمسیۆن ڕێز لە تەواوی بڕیارەكەی پەرلەمانی عێراق دەگرێت، بەڵام لەبارەی ئەم بڕیارەی كۆبوونەوە نائاساییەكەی پەرلەمان لەسەر ئەنجامەكانی هەڵبژاردن، بەهۆی تانەلێدانەوە لەلایەن سەرۆك كۆماری عێراق، چاوەڕێی بڕیاری دادگای باڵای فیدراڵی دەكەن.
پەرلەمانی عێراق لە كۆبوونەوەیەكی نائاساییدا، كە گومان لە تەواوبوونی ژمارەی یاسایی ئەندامانی هەیە، بڕیاری رەتكردنەوە و هەڵوەشاندنەوەی بەشێكی زۆری ئەنجامەكانی هەڵبژاردنەكانی پەرلەمانی عێراقی داوە.
کۆمێنت (0)
تا ئێستا هیچ کۆمێنتێک نەکراوە.