شه‌وى رابردوو له‌سه‌ر رێگای سه‌ره‌كی خه بات - هه ولێر كامێونێكی بارهه‌ڵگر (ترێله) له‌گه‌ڵ بیكاشۆیه‌كی ته‌كسی خۆیان به‌یه‌كدا كێشاو له ئه‌نجامدا خاوه‌نی ته‌كسییه‌كه گیانی له‌ده‌ستدا ، هه ر له هه‌مان شه‌ودا بیكاشۆیه‌كی تر له‌سه‌ر رێگای سه‌ره‌كی خه‌بات هه‌ولێر وه‌رگه‌ڕاو شوفَێری ئۆتۆمبێله‌كه برینداربوو و ره‌وانه‌ی نه‌خوشخانه‌ی فریاكه‌وتنى شاری هه ولێر كرا .
(نه‌قیب شیمال گۆران ) ئه‌فسه‌ر له به‌ڕێوه‌به‌رایه‌تی پۆلیسی هاتوچۆی خه‌بات به كوردستان تیفی راگه‌یاند: له ماوه ی كه‌متر له (24) كاتژمێر له سنووری قه زای خه بات (3) رووداوی هاتوچۆ رووی دا وه و بووه‌ته هۆی گیان له‌ده‌ستدانی دوو هاوولاتی و سێی دیكه‌ش برینداربوونه و ڕه وانه‌ی نه‌خۆشخانه‌ی فریاكه‌وتن كراون .
نه‌قیب شیمال گوتیشی: هۆكاری ڕوودانی ئه‌و رووداوانه‌ی 24 كاتژمێری رابردوو له ئه‌نجامی خێرا لێخورینی شوفێران بووه و پێداگیر نه بوونه به ڕێنماییه‌كانی هاتووچۆ .
سالار نامیق - خه‌بات
کۆمێنت (0)
تا ئێستا هیچ کۆمێنتێک نەکراوە.