ئه‌مریكا رۆژی رابردوو ره‌شنووسی بڕیارنامه‌یه‌كی پێشنیاركراوی كوێتی ڤیتۆ كرد كه بۆ پشتیوانیكردن له هاوڵاتییانی فه‌ڵه‌ستین خستبوویه به‌رده‌م ئه‌نجومه‌نی ئاسایشی نێوده‌وڵه‌تیی.
15 ئه‌ندامی ئه‌نجومه‌نی ئاسایش دوای چه‌ندین كاتژمێر راوێژ و گفتوگۆ له‌گه‌ڵ یه‌كتریدا كه سه‌باره‌ت به ره‌شنووسی بڕیارنامه‌كه‌ی كوێت ئه‌نجامیاندا، دوای ئه‌وه‌ی كه ره‌شنووسه‌كه‌یان خسته ده‌نگدانه‌وه ئه‌مریكا ڤیتۆی كرد، به‌ڵام له كۆی گشتیی ده‌نگه‌كان 10 ده‌نگی ئه‌رێنیی به‌ده‌ستهێنا و 4 ئه‌ندامی ئه‌نجومه‌نه‌كه‌ش ده‌نگی بێلایه‌نیان پێیدا.
له‌ناو وڵاتانی ئه‌ندامدا رووسیا و چین و فه‌ڕه‌نسا ده‌نگی ئه‌رێنییان دا به ره‌شنووسه‌كه‌ی كوێت و به‌ریتانیاش به بێلایه‌ن ده‌نگیدا.
ناوه‌ڕۆكی ره‌شنووسی بڕیارنامه‌كه توندوتیژیی له دژی فه‌ڵه‌ستینییه‌كان ئیدانه ده‌كرد و تیایدا داوا كرابوو تا له ئاستی نێوده‌وڵه‌تیدا فه‌ڵه‌ستینییه‌كان بپارێزرێن.
سه‌رچاوه / رادیۆ فه‌ردا
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.