ئه‌مرۆ پێنجشەممە 31/5/2018 نوری مالیکی سه‌رۆكى ده‌وله‌تى یاساو ئەیاد عەللاوی، سەرۆکی هاوپەیمانیی نیشتمانیی عێراقی کۆبوونه‌تەوەو بەپێی راگەیەندراوێکی نووسینگەی رۆژنامەوانیی نوری مالیکی، لە کۆبوونەوەکەدا، مالیکی و عەللاوی، رەوشی سیاسی و ئەمنیی و كێشه‌و قەیرانەکانی ووڵاتیان، تاوتوێ کردووە.
هه‌روه‌ها جەختیان لە پەلەکردن لە پێکهێنانی کابینەی نوێی حکوومەتی عێراق کردووە، بەشێوەیەک، کە لەڕێی لێکتێگەیشتنی هاوبەش و هاوکاریی هەموو لایەنەکان، پێک بهێندرێت.
هەر لە کۆبوونەوەکەدا، مالیکی و عەللاوی بەپێویستیان زانیوە هیچ لایەنێک لە پێکهێنانی حکوومەتی داهاتووی عێراق دوور نەخرێتەوە و پشتگوێ نەخرێت.
لە هەڵبژاردنەکه‌ى په‌رله‌مانى عێراقدا، هاوپەیمانیی دەوڵەتی یاسا 25 کورسی بەدەست هێناو ئیئتیلافی نیشتمانیی عێراقی 21 کورسی بەدەست هێنا.
کۆمێنت (0)
تا ئێستا هیچ کۆمێنتێک نەکراوە.