ئەنجوومەنی کۆمیسیارانی کۆمیسیۆنی باڵای سەربەخۆی هەڵبژاردنەکانی عێراق ئەنجامی دەنگدانی هەزار و 21 وێستگەی هەڵوەشاندەوە.
کۆمیسیۆن لە بەیاننامەیەکدا رایگەیاند، ژمارەی ئەو وێستگانەی لە سەرەتای پرۆسەی جیاکردنەوەی دەنگەکان لەلایەن لیژنە هونەری و یاساییەکانی ئەنجوومەنی کۆمیسیاران هەڵوەشێندراونەتەوە، لە نۆ پارێزگا و دەنگدانی تایبەت و دەرەوە گەیشتووەتە هەزار و 21 وێستگە.
کۆمیسیۆن روونیکردووەتەوە کە زۆربەی ئەو وێستگانەی هەڵوەشێندراونەتەوە بریتین لە: دەنگدانی 73 وێستگە لە هەولێر، دەنگدانی 96 وێستگە لە سلێمانی، 224 وێستگە لە دهۆک، 2 وێستگە لە دیالە، 36 وێستگە لە سەلاحەددین، 179 وێستگە لە نەینەوا، 186 وێستگە لە کەرکووک، 67 وێستگە لە دەنگدانی دەرەوە، 10 هەڵوەشێندراومەتەوە. هەروەها نزیکەی 100 وێستگە لە پارێزگاکانی بەغدا و ئەنبار هەڵوەشێندراونەتەوە.
کۆمیسیۆن لە راگەیێندراوەکەدا جەختیکردووەتەوە، هەڵوەشاندنەوەی دەنگدانی ئەو وێستگانە لە ئەنجامی تۆمارکردنی نزیکەی 2 هەزار سکاڵا بووە، لە ئەنجوومەنی کۆمیسیارانیش لیژنە بۆ سزادانی کەسانی کەمتەرخەم پێکهێنراوە و لێکۆڵینەوە و بەدواداچوونیش بەردەوامدەبێت.
کۆمێنت (0)
تا ئێستا هیچ کۆمێنتێک نەکراوە.