تیما تەپاپێ یا یانا زێرەڤانی بۆ جارا چارێ ددیرۆکا خوە دا ناسناڤێ خولا پلا نایاب کوردستانێ بدەستخوەڤە دئینت، پشتی دیاریا ئەڤرۆ دا شیایی سەرکەفتنەکا مەزن لسەر مێڤانا خوە تیما یانا پێشمەرگەیێ ھەولێرێ ب چار گۆلان بەرامبەر گۆلەکێ د یاریا واندا ئەوا ل یاریگەھا یانا زێرەڤانی ژ چوارچووڤێ گەرا ١٨ێ و دوماھیا خولا پلا نایابا کوردستانێ.
ھەر ژ دەستپێکا یاریێ یاریزانێن تیما زێرەڤانی ب ئێک ھزر ھاتنە دناڤ یاریگەھێ دا ئەوژی گڤاشتن و تۆمارکرنا گۆلا ژبۆ مسۆگەرکرنا ناسناڤێ خولێ، دەرئەنجامێن گڤاشتنێن بەردەوام ھێرشبرێ زێرەڤانی و گۆلەکەرێ خولێ یێ بەرازیلی تیاگۆ ئامارال شیا گۆلا پێشکەڤتنێ بۆ تیما خوە تۆماربکەت، پشتی بۆرینا پێنچ خولەکا ھەڤالێ وی یێ بەرازیلی کارلۆس ئێدواردۆ گۆلا دوێ بۆ تیما خوە زێرەڤانی تۆماربکەت، ھەمبەری وێ یاریزانێن پێشمەرگە ب ھەموو شیانێن خوە بزاڤکرن بۆ کێمکرنا ئەنجامێ یاریێ و چەندین ھێرشێن رێکوپێک لسەر گۆلا زێرەڤانی پەیداکرن لێ شارەزاھیا گۆلپارێزێ وێد لێر حاتم و ھێلا بەرەڤانیێ بۆ رێگر، د خولەکا ٢١ێ دا یاریزانێ تیما مێڤان رەوا یۆسف نێزکی گۆلا ئێکێ بوو لێ تەپا وی لبەر ئاسنێ گۆلێ را دەربازبوو، پشتی ڤێ دەلیڤێ گڤاشتن ژ ھەردو لایان دھاتەکرن لێ بیێ مەترسی بوو و چو ژ ئەنجامێ یاریێ نە ھاتە گھۆرین ئەوا ئەڤ نیڤە ب پێشکەڤتنا زێرەڤانی ب دو گۆلا بیێ بەرامبەر ب دوماھی ھات.
دنیڤا دوێ دا ئاستێ یاریێ بھێزتر لێھات و ھەردو تیما ب ئارمانجا گڤاشتن و ھێرشکرن و تۆمارکرنا گۆلا ھاتبوونە دناڤ یاریگەھێ دا، ھەرچەندە دەستپێکا ڤێ نیڤێ ب زێرەڤانی بھێز یاریی دکر، لێ ھەمبەری وێ تیما پێشمەرگە ب دروشمێ ھێرشێن ھەڤدژ و مفا وەرگرتن ژ خەلەتیا ژبۆ تۆمارکرنا گۆلەکێ، ئەوا ئەڤچەندە بۆ بچھـ ھاتی کو د خولەکا ٦٠ێ دا بارزان حەیدەر مفا ژ تەپەکێ وەردگریت و گۆلا ئێکێ بۆ تیما خوە تۆماردکەت، لێ ئەڤ گۆلە زێدەتر یاریزانێن زێرەڤانی تۆرەدکەن و ئاستێ یاریێ بھێزتر لێھات ھەمبەری وێ راھێنەرێن ھەردو تیما دەست ب گھۆرینا دکەن بۆ ھندێ لدویڤ پلانێن ھاتینە دارێشتن بھێتە بجھئینان، دەرئەنجامێ پلانەکا رێکوپێک یاریزانێ زێرەڤانی کارلۆس ئێدواردۆ شیا گۆلا سیێ تۆماربکەن و تیما خوە نێزیکی ناسناڤی کر، پشتی ڤێ گۆلێ زلھێزیا زێرەڤانی تایبەت ھێلا ھێرشبرنێ لسەر ھێرشێن خوە نە راوەستیان و گۆلا چوارێ و مسۆگەرکرنا ناسناڤێ خولێ دۆپارتکر پشتی گۆلکەرێ خولێ تیاگۆ ئامارال شیایی د خولەکا ٧٥ێ گۆلا چارێ بۆ تیما خوە و گۆلا ١٢ یا کەساتی وەکو گۆلکەرێ خولێ تۆماربکەت، پشتی ڤێ گۆلێ یاریزانێن پشمەرگە ھەموو شیانێن خوە ئێخستنە کار ژبۆ زڤرینێ لێ ھێلا بەرەڤانی و گۆلپارێزێ زێرەڤانی رێگربوون ھەمبەری ھیڤی و ئارمانجێن وان، تا فیرکا دادڤانی ب سەرکەفتنا دیرۆکی یا یانا زێرڤانی ب چار گۆلان بەرامبەر گۆلەکێ و ب فەرمی وەکو خودانا ناسناڤێ خولێ بدەستڤەبینن، پشتی خالێن خوە گەھاندینە ٣١ خالان و سەرێ لیستا خولێ دھێن و وەرزێ ٢٠١٧/٢٠١٨ ب ناسناڤێ خوە یێ چوارێ بدوماھی بینن.
دھۆک/ محەمەد عەلی نوری
فوتوـ قە‌یس وە‌یس
راگه‌یاندنى یه‌كێتى ناوه‌ندى تۆپى پێى كوردستان
کۆمێنت (0)
تا ئێستا هیچ کۆمێنتێک نەکراوە.