سەرچاوەیەكی ئەمنی رایگەیاند كە بەرەبەیانی ئەمڕۆ شەممە چەكدارانی رێكخراوی تیرۆریستی داعش لە دوو لاوە دوو هێرشیان كردە سەر هێزە ئەمنییەكانی عێراق و تا ئێستاش زیان و وردەكارییەكانی هێرشەكە ڕانەگەیەنراوە.
سەرچاوەیەكی ئەمنی لە فەرماندەیی ئۆپراسیۆنەكانی نەینەوا بە غەدپرێسی ڕاگەیاند، كە بەرەبەیانی ئەمڕۆ شەممە پاشماوەكانی ڕێكخراوی تیرۆریستی داعش هێرشێكی چەكداریان لە گوندی ئەلبوسەلینی باشووری مووسڵ كردە سەر هێزەكانی عێراق،
هاوكات لە سەر ڕێی بەغدا- مووسڵ دەستیان بە هێرشێكی دیكە كرد، هەردوو هێرشەكەیش لە باشووری مووسڵەوە ئەنجام دران.
بەپێی سەرچاوەكە هێزە ئەمنییەكان بە توندی وەڵامی تیرۆریستانی داعشیان داوەتەوە و توانیویانە هێرشەكانیان تێك بشكێنن، بەڵام نازانرێ چەند بریندار و كوژراو لە ڕیزەكانی هەردوولا كەوتۆتەوە.
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.