له باشووری شاری كه‌ركووك شه‌ڕ و پێكدادان له نێوان هێزه ئه‌منییه عێراقییه‌كان و تیرۆریستانی داعش روویدا و تیایدا هه‌شت چه‌كداری خۆكوژ كه یه‌كێكیان ئافره‌ت بووه خۆیان به هێزه ئه‌منییه‌كاندا ته‌قاندووه‌ته‌وه.
به پێی زانیارییه‌كان له نزیك ناحیه‌ی ریازی باشووری كه‌ركووك، شه‌ڕ و پێكدادان له نێوان هێزه عێراقییه‌كان و تیرۆریستانی داعش روویدا و له كاتی شه‌ڕه‌كه‌شدا هه‌شت چه‌كداری خۆكوژی رێكخراوه‌كه كه یه‌كیان ئافره‌ت بووه خۆی به هێزه ئه‌منییه‌كاندا ته‌قاندووه‌ته‌وه.
تا ئێستا له‌باره‌ی ئاماری ته‌واوی كوژراو و برینداره‌كان زانیاری نیيه به‌ڵام به پێی چه‌ند سه‌رچاوه‌یه‌ك چوار پۆلیس بریندار بوونه.
له دوای رووداوه‌كانی شازده‌ی ئۆكتۆبه‌ر و هێرشی حه‌شدی شه‌عبی و هێزه عێراقییه‌كان بۆ سه‌ر ناوچه كوردستانییه‌كانی ده‌ره‌وه‌ی ئیداره‌ی هه‌رێمی كوردستان دۆخی ئه‌منی ئه‌و ناوچانه تێكچووه و چالاكی تیرۆریستانی داعش زیادیكردووه.
به پێی وته‌ی هاووڵاتییانی شاره‌كه‌ش، له دوای داگیركردنی شاره‌كه، دیارده‌كانی كوشتن و رفاندن و تاڵانی و دزی كردن په‌ره‌ی سه‌ندووه.
کۆمێنت (0)
تا ئێستا هیچ کۆمێنتێک نەکراوە.