به‌هۆی ته‌قینه‌وه‌ی ئۆتۆمبێلێكی مینرێژكراو له سه‌نته‌ری شاری بنغازی له لیبیا، لانیكه‌م حه‌وت كه‌س كوژران و نزیكه‌ی 20 كه‌سی دیكه‌ش برینداربوون.
به‌پێی هه‌واڵی ئاژانسی فرانس پرێس، ئه‌م ته‌قینه‌وه‌یه دره‌نگانی شه‌وی رابردوو و له نزیك هوتێل تیبستی روویداوه.
به‌پێی زانیاریه‌كان ئۆتۆمبێله بۆمبرێژكراوه‌كه له شه‌قامێكی پر هاتووچۆی شاره‌كه ته‌قێندراوه‌ته‌وه كه له مانگی ره‌مه‌زان خه‌ڵكێكی زۆر دوای ئیفتار رووی تێده‌كه‌ن.
به‌پێی سه‌رچاوه‌یه‌كی ئاسایشی شاری بنغازی سه‌رجه‌م قوربانییه‌كانی ئه‌م رووداوه خه‌ڵكی سڤیل بوونه و تا ئێستا هیچ گروپ و لایه‌نێك به‌رپرسیاره‌تیی ته‌قینه‌وه‌كه‌ی نه‌گرتووه‌ته ئه‌ستۆ.
کۆمێنت (0)
تا ئێستا هیچ کۆمێنتێک نەکراوە.