به‌پێی به‌یاننامه‌یه‌كی فه‌رمانگه‌ی راگه‌یاندنی ئه‌نجوومه‌نی نوێنه‌رانی عێراق، ده‌سته‌ی سه‌رۆكایه‌تی ئه‌نجوومه‌نی نوێنه‌ران بڕیاریدا به دانیشتنی نائاسایی له كاتژمێر چواری ئێواره‌ی ئه‌مڕۆ پێنجشه‌ممه.
رۆژی شه‌ممه‌ی رابردوو به هۆی ئاماده‌نه‌بوونی رێژه‌ی یاسایی ئه‌ندامان بۆ ئه‌نجامدانی كۆبوونه‌وه، ئه‌و دانیشتنه نائاساییه‌ی په‌رله‌مان ئه‌نجام نه‌درا كه بڕیار بوو به مه‌به‌ستی تاوتوێكردنی ئه‌نجامه‌كانی هه‌ڵبژاردن ئه‌نجام بدرێت و به‌م هۆیه‌وه سه‌لیم جبوری ناچاربوو به‌وه‌ی دانیشتنه‌كه‌ی كرده كۆبوونه‌وه‌یه‌كی راوێژكاری و دوای دانیشتنه‌كه‌ش له به‌یاننامه‌یه‌كدا داوای له كۆمیسیۆنی باڵای سه‌ربه‌خۆی ھه‌ڵبژاردنه‌كان كرد كه له‌و تانه و سكاڵایانه بكۆڵێته‌وه كه له‌باره‌ی ئه‌نجامی هه‌ڵبژاردنه‌كانه‌وه گیراون. هاوكات داوای له ده‌سته‌ی دادوه‌ریی بۆ هه‌ڵبژاردنه‌كان كرد كه بێلایه‌نانه مامه‌ڵه له‌گه‌ڵ ئه‌و تانه و سكاڵایانه‌دا بكات.
کۆمێنت (0)
تا ئێستا هیچ کۆمێنتێک نەکراوە.