زێنه‌دین زێدان راهێنه‌ری ریال مه‌درید له‌لێدوانى بۆ میدیاكان رایگه‌یاند : یاری كۆتایی بۆ هه‌ر یانه‌یه‌ك بێت كارێكى ئاسان نابێت بۆی ، ئێمه دڵخۆشین كه‌له‌یاری كۆتایین ، وه‌له‌ئاماده‌كاریمان به‌رده‌وامین بۆ رووبه‌روبونه‌وه‌مان له‌به‌رامبه‌ر لێڤه‌رپول ، من دلخۆشم به‌و سێ وه‌رزه‌ى له‌گه‌ل ریال مه‌دریدم به‌سه‌ر بردووه ، به‌تایبه‌ت له‌دوو وه‌رزى رابردووى پاڵه‌وانى چامپیۆنس لیگین ، بۆیه دڵخۆشم له‌گه‌ل ئه‌و كۆمه‌ڵه یاریزانه كه‌به‌یه‌كه‌وه‌ین .
زێدان راشیگه‌یاند : نازانم لێڤه‌رپول تاچه‌ند تێنوى نازناوه‌كه‌یه به‌ڵام ئێمه زیاتر ده‌مانه‌وێت نازناوه‌كه به‌ده‌ست بهێنین له‌ریال مه‌درید وایه نازناوى زیاتریان ده‌وێت .
له‌باره‌ى شێوازى یاری كردنى ریال مه‌درید و لێڤه‌رپول وه‌ك یه‌ك یاری ده‌كه‌ن : زێدان ڕه‌تى كرده‌وه ڕایگه‌یاند نه‌خێر به‌هیچ شێوه‌یه‌ك ریال مه‌درید و لێڤه‌رپول به‌یه‌ك شێوه یاری ناكه‌ن
له‌باره‌ى رۆنالدۆ و به‌یله‌وه رایگه‌یاند : رۆنالدۆ ئه‌ستێره‌ى یانه‌كه‌مان و پێویستیه‌كى یانه‌یه ئه‌و ده‌توانێت له‌هه‌موو كات به‌دیار بكه‌وێت ، کریستیانۆ ھیچ کات ھەست بە نیگەرانی ناکات له‌گه‌لمان بە تایبەت لە کاتە ھەستیارەکان زیاتر خۆی ماندو دەکات ، وه‌كاتێك رەخنەی لێبگیرێت کاری زیاتر دەکات ، بۆیه دڵنیام کریستیانۆ رۆناڵدۆ لە یاری کۆتایی یەکلا کەرەوە دەبێت
له‌باره‌ى به‌یله‌وه رایگه‌یاند : له‌ئێستادا باشتر به‌دیار ده‌كه‌وێت ، له‌یاریه‌كانى كۆتایی وه‌رزمان له‌لالیگا گۆلى تۆمار كرد
زێدان له‌به‌شێكى دیكه‌ى لێدوانه‌كانى بۆ میدیاكان رایگه‌یاند :
وه‌ك خۆم لە رووی تەکتیەکەوە باشترین راھێنەر نیم ، پێویستم پێ نییە بڵێم باشترینم ، بەڵام من ھەست و سۆزم بەرامبەر بە یانه‌كه‌م هه‌یه
زێدان : ریال مه‌درید وەک لێڤەرپول بۆ بردنه‌وه هه‌وڵ ده‌ده‌ین ، ئەوە گرنگ نییە ئێمە ٢ ساڵە پاڵەوانین گرنگ یاریەکەی شەممەیە ، وه‌ھەمیشە گەشبینم بە تیپەکەم
زێدان : کلۆپ کاری باش و دیاری لەگەڵ لیڤەرپول ئه‌نجامداوه ، وه‌كاتێك لەگەڵ دۆرتمۆندیش بوو بە ھەمان شێوە بوو، بۆیه وەک راھێنەرێکی گەورە رێزی زۆری لێدەگرم
رۆژى شه‌ممه‌ى داهاتوو 26 - 5 - 2018 یاری كۆتایی خولى یانه پاله‌وانه‌كانى ئه‌وروپا له‌نێوان ریال مه‌درید - لێڤه‌رپول به‌ڕێوه‌ده‌چێت
کۆمێنت (0)
تا ئێستا هیچ کۆمێنتێک نەکراوە.