ئه‌ستێره‌ی فه‌ڕه‌نسا و یانه‌ی مانچسته‌ر یونایتد رایده‌گه‌ێنێ، ته‌نیا ئه‌وانه‌ی دێن بۆ ئێره "مه‌ككه " له‌وه تێده‌گه‌ن كه هه‌ست به‌چی ده‌كه‌م. ئه‌گه‌ر ئێره‌تان نه‌بینیوه ئه‌وا رۆژێك وه‌رن، شوێنێكی سه‌رنجراكێشه
یاریزان پۆل پۆگبا ، ئه‌ستێره‌ی فه‌ڕه‌نسا و یانه‌ی مانچسته‌ر یونایتد، بۆ به‌جێهێنانی عه‌مره سه‌ردانی مه‌ككه‌ی كردووه.
پۆگبا له هه‌ژماری تایبه‌تی خۆی له تۆڕی كۆمه‌ڵایه‌تی ئینستاگرام گرته ڤیدیۆیه‌كی بۆ هه‌وادارانی بڵاوكرده‌وه كه له مه‌ككه گرتوویه‌تی و ده‌ڵێ: ته‌نیا ئه‌وانه‌ی دێن بۆ ئێره له‌وه تێده‌گه‌ن كه هه‌ست به‌چی ده‌كه‌م. ئه‌گه‌ر ئێره‌تان نه‌بینیوه ئه‌وا رۆژێك وه‌رن، شوێنێكی سه‌رنجراكێشه، ناتوانم هه‌سته‌كانم ده‌رببڕم، پشتیوان به‌خوا دێن بۆ ئێره.
پۆل پۆگبا، وه‌رزی رابردوو به درێسی مانچسته‌ر یونایتده‌وه له 27 یاریدا شه‌ش گۆڵی تۆمار كرد.
ڤیدیۆكه‌ی پۆگبا له لایه‌ن هه‌وادارانییه‌وه سێ ملیۆن و 400 هه‌زار جار ته‌ماشاكراوه، هاوكات 37 هه‌زار كۆمێنتی بۆ چووه.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.