هاوسەرۆکى کانتۆنى عەفرین ئاشکرایکرد هەریەکە لە ڕووسیا و ئەمریکا و تورکیا دەیانەوێت ڕێککەوتنێکى نوێ لەسەر عەفرین واژوبکەن کە تا ئێستا ناوەڕۆکى ڕێککەوتنەکە دیارنییە.
ڕونی مێهمەت هاوسەرۆکی هاوبەشی کانتۆنی عەفرین بەئاژانسی هاوار نیوزی ڕاگەیاندوە ڕووسیا و ئه‌مریکا و تورکیا سه‌باره‌ت به عه‌فرین ڕێککه‌وتننامه واژوده‌که‌ن، ڕاشیگەیاند سه‌باره‌ت به ورده‌کاری ڕێککه‌وتنه‌که هیچ شتێک تا ئێستا ئاشكرا نه‌بووه.
هەروەها ڕاشیگەیاندووە هێزه‌کانی یه‌په‌گه هەوڵى چوونه ناوه‌وەی عه‌فرین دەدەن و به‌و بۆنه‌وه له گونده‌کانی ده‌ورووبه‌ر له‌گه‌ڵ چەکدارانی سوپای ئازاد شه‌ڕ ده‌که‌ن، بەڵام هێزه‌کانی ئه‌مریکا و هێزه نێونه‌ته‌وه‌ییه‌کان له چوونی یه‌په‌گه بۆ عه‌فرین ڕێگری ده‌که‌ن و ڕایانگه‌یاندووه که ڕووسیا و ئه‌مریکا و تورکیا له‌سه‌ر عه‌فرین بڕیار وایه ڕێککه‌وتن واژوبکه‌ن، له‌و ڕێککه‌وتنه هێزه ئه‌مریکاییه‌کان و هاوپه‌یمانی دژ به داعشیش به‌شداری ده‌که‌ن.
لە 20ی کانوونی دووەمی 2018 سوپای تورکیا ئۆپراسیۆنێکی بۆ سەر عەفرین دەستپێکرد و دوای 58 ڕۆژ شەڕ کردن چووە ناو عەفرین و لەئێستادا سوپای تورکیا لەو شارەدایە.
کۆمێنت (0)
تا ئێستا هیچ کۆمێنتێک نەکراوە.