ئەمڕۆ دووشەممە هاوکات لەگەڵ گواستنەوەی باڵیۆزخانەی ئەمریکا لە تەلئەبیبەوە بۆ ئوورشەلیم، گرژی و ئاڵۆزی و خۆپیشاندان لە کەرتی غەزە دەستی پێکردووە و زانیارییەکان باس لە کوژرانی هەشت فەلەستینی و برینداربوونی 900 کەسی دیکە دەکەن.
ناڕەزایی و خۆپیشاندانەکان لە کەرت و سنووری غەزەوە بە بۆنەی گەڕانەوە بە نیشتمانی دایکی ماوەی چەند هەفتەیە دەستی پێکردووە و ئەمڕۆ لەگەڵ گواستنەوەی باڵیۆزخانەی ئەمریکا بۆ ئۆرشەلیم، خۆپیشاندانی فەلەستینیەکان گەیشتووەتە لووتکە و باس لە کوژرانی 16 کەس و برینداربوونی نزیکەی یەک هەزار کەسی دیکە دەکرێت.
لە سەرەتای خۆپیشاندان و ناڕەزایی فەلەستینییەکان لە کەرتی غەزە کە زیاتر لە 20 ڕۆژە دەستی پێکردووە، هەتا ئێستا زیاتر لە 50 کەس کوژراون.
گرتە ڤیدیۆیی و وێنەکان، لە خۆپیشاندانی ئەمڕۆدا لە کەرتی غەزە هێزەکانی ئیسرائیل گازی فرمێشڕێژیان بەکار هێناوە، لە سنووری باریکەی غەزە و ئیسرائیل ڕێوشوێنێکی توندی ئەمنی گیراوەتە بەر و کاردانەوەی سوپای ئیسرائیل بۆ ئەو نائارامیانە لەو ناوچەیە، توندترە لە ناوچەکانی دیکە.
دوای خۆپیشاندانێکی بەرفراوان، 37 هاووڵاتیی فەلەستینی بە گولەی هێزە ئیسرائیلییەکان کوژران و 1700 کەسی دیکەش بریندار بوون.
رۆژی دووشەممە 14/5/2018 هەزاران هاووڵاتیی فەلەستینی دژی ناساندنی شاری ئۆرشەلیم (قودس) وەک پایتەختی ئیسرائیل، لە کەرتی غەززە دەستیان بە خۆپیشاندان کرد و لە تەلبەندی سنووریی نزیک بوونەوە و سەدان تایەی ئۆتۆمبێلیان سووتاند.
وەزارەتی تەندروستیی فەلەستینی رایگەیاندووە، بەهۆی گولەی هێزە ئیسرائیلییەکان، 37 گەنجی فەلەستینیی خۆپیشاندەری کوژراون و 1700 کەسی دیکەش بریندار بوون.
ئەو خۆپیشاندانە فراوانەی فەلەستینییەکان هاوکاتە لەگەڵ بەڕێوەچوونی ئاهەنگی یادی 70 ساڵەی دامەزراندنی ئیسرائیل و گواستنەوەی باڵیۆزخانەی ئەمریکا لە تەل ئەڤیڤەوە بۆ شاری ئۆرشەلیم.
بڕیارە ئه‌مرۆ دووشەممە 14/5/2018 لە یادی 70 ساڵەی دروستبوونی ئیسرائیل، ئەمریکا باڵیۆزخانەی خۆی لە تەل ئەڤیڤەوە بگوازێتەوە ئۆرشەلیم، وەک ئاماژەیەک بە داننان بەوەی، ئەو شارە پایتەختی ئیسرائیلە.
ئێوارەی رۆژی 6/12/2017، دۆناڵد ترەمپی سەرۆکی ئەمریکا بڕیاری گواستنەوەی باڵیۆزخانەی وڵاتەکەی لە ئیسرائیل لە تەل ئەڤیڤەوە بۆ ئۆرشەلیم دەرکرد و لە بڕیارەکەدا شاری ئۆرشەلیمی وەک پایتەختی ئیسرائیل ناساند.
کۆمێنت (0)
تا ئێستا هیچ کۆمێنتێک نەکراوە.