بڕیارە ئەمڕۆ دووشەممە ئەمریكا بە فەرمی باڵیۆزخانەی خۆی لە تەل ئەبیبەوە بۆ ئۆرشەلیم (بەیتولمەقەدس) بگوازێتەوە و ئەمەش كاردانەوەی زۆری لێ دەكەوێتەوە.
ئەم بڕیارەی دۆناڵد ترەمپ، سەرۆكی ئەمریكا بۆ گواستنەوەی باڵیۆزخانەی وڵاتەكەی، لەلایەن ئیسرائیل و هاوپەیمانەكانییەوە پێشوازییەكی زۆری لێ كراوە و هاوكات بووەتە هۆی ناڕەزایی فەلەستینییەكان.
بەم بۆنەیەوە بڕیارە شاندێكی باڵا لە كۆشكی سپی و بەرپرسانی باڵای ئیسرائیل، دوانیوەڕۆی ئەمرۆ دووشەممە لە ڕێوڕەسمی كردنەوەی باڵیۆزخانەی نوێی ئەمریكا ئامادە بن، چاوەڕوان دەكرێت فەلەستینییەكان لە سنووری غەزە و ئیسرائیل و ناوچەكانی دیكە خۆپیشاندان و ناڕەزایی دەرببڕن.
ئەم بڕیارەی سەركۆماری ئەمریكا كاردانەوەی فراوانی نیودەوڵەتیی لێ كەوتەوە و 128 وڵاتی جیهان لە دانیشتنێكی نەتەوە یەكگرتووەكاندا دژایەتیی ئەو بڕیارەی حكوومەتی ئەمریكایان كرد.
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.