گەرمیان دژی ساختەکاری و گۆڕینی ئەنجامەکان له‌لایه‌ن یه‌کێتى نیشتیمانى کوردستان خۆپیشاندان ئەنجام دەدرێت

له‌گه‌رمیان پارت و لایه‌نه‌ سیاسیه‌كانى كوردستان بانگه‌واز بۆ هه‌وادارانیان ده‌كه‌ن بێنه‌ شه‌قام ده‌نگى ناڕه‌زایی ده‌ڕببڕن له‌به‌رامبه‌ر ئه‌و پێشێلكاری و ساخته‌كارییانه‌ى  یه‌كێتى نیشتیمانى كوردستان له‌سنوره‌كه‌ ئه‌نجامى داوه‌ . 
لایه‌نه‌ سیاسیه‌كان له‌ناوچه‌كه‌ كۆى پڕۆسه‌كه‌ ڕه‌تده‌كه‌نه‌وه‌ داوا له‌كۆمسیۆنى هه‌ڵبژاردنى عێراق ده‌كه‌ن لێژنه‌یه‌كى ورد پێك بهێنێت به‌جۆرێك كه‌ده‌نگان نه‌فه‌وتێت كه‌له‌ئێستادا به‌هۆى ئه‌نجامه‌ به‌راییه‌كان ده‌نگى ئێمه‌ ده‌ستكاری كراوه‌ له‌به‌رژه‌وه‌ندى لایه‌نێك . 

لایه‌نه‌كانى ده‌ڤه‌ری گه‌رمیان ئۆباڵى ئه‌و ڕه‌وشه‌ ده‌خه‌نه‌ ئه‌ستۆى یه‌كێـتى نیشتیمانى كوردستان به‌و ساخته‌كارییه‌ى ئه‌نجامى داوه‌ له‌سنوره‌كه‌ ، جگه‌  له‌و پێشێلكاری و په‌نابردنه‌ به‌رهێز و هه‌ڕه‌شه‌ كردن له‌خه‌ڵك له‌پێناو ئه‌وه‌ى كاندیدانیان به‌شێوه‌ی نایاسایی ده‌ربچن و ده‌نگ بهێنن بۆیه‌ داوایان ئه‌وه‌یه‌ له‌هه‌وادارانیان بێنه‌ سه‌رشه‌قام و ده‌نگمان به‌رز ده‌كه‌ینه‌وه‌ بۆ كۆمسیۆن كه‌ ئه‌نجامه‌كان ڕاست نین ئه‌وه‌ى بڵاو كراوه‌ته‌وه‌ چاره‌سه‌رێك بدۆزرێته‌وه‌ كه‌ده‌نگى هیچ لایه‌ن نه‌ڕوات 

شوان عه‌زیز