كه‌مێك به‌ر له‌ئێستا هەڤاڵ ئەبووبەكر پارێزگاری سلێمانی ڕاگەیەندراوێكی به‌په‌له‌ى بڵاو كرده‌وه كه‌تێیدا داوا لە كۆمسیۆنی باڵای سەربەخۆی هەڵبژاردنەكانى عێراق دەكات، بەزوویی پرسی ئەنجامی هەڵبژاردن لە سلێمانی یەكلا بكاتەوە و گومانەكان بڕەوێنێتەوە.
دەقی ڕاگەیەندراوەكەى هه‌ڤال ئه‌بو به‌كر پارێزگاری سلێمانى
بانگەوازێكی بەپەلە بۆ كۆمسیۆنی باڵای سەربەخۆی ھەڵبژاردنەكانی عێراق
ئەنجامە بەراییە ڕانەگەیەنراوەكانی ھەڵبژاردنەكانی ئەنجومەنی نوێنەری عێراق لە پارێزگای سلێمانیدا، گومان و ناڕاستیی لای ھەموو قەوارە سیاسییەكان دروست كردووە و لەبری ئەوەی ھەڵبژاردنەكان ئارامیی و ئاسایش بێننە كایەوە، بوونەتە مایەی تێكدانی ئاسایش و ئارامیی خەڵك و قەوارە سیاسییەكان لە پارێزگاكەماندا.
بۆیە وەك ئەوەی لە ڕۆژانی پێشتردا ھەموو نیگەرانی و ناڕەزایی و زانیارییەكانمان گەیاندووەتە بەڕێزان سەرۆك و ئەندامانی كۆمسیۆنی باڵای سەربەخۆی ھەڵبژاردنەكانی عێراق و بەڵێنی چارەسەركردنی یاساییانەی ئەم پرۆسەیەیان داوە، داوا لە كۆمسیۆنی باڵای سەربەخۆی ھەڵبژاردنەكانی عێراق دەكەین بەخێرایی ئەم بابەتە یەكلایی بكاتەوە و گومانەكان بڕەوێنێتەوە.
د. ھەڤاڵ ئەبوبەكر
پارێزگاری سلێمانی
13- 5 - 2018
کۆمێنت (0)
تا ئێستا هیچ کۆمێنتێک نەکراوە.