دوای ئه‌و پێشێلكاریانه‌ى یه‌كێتى نیشتیمانى كوردستان له‌سنورى پارێزگاى سلێمانى له‌ده‌نگدانى تایبه‌تى و گشتى دا ئه‌نجامى دا له‌پڕۆسه‌ى به‌ڕێوه‌چوونى ده‌نگدانى هاوڵاتیانى عێراق و هه‌رێمى كوردستان بۆ هه‌ڵبژاردنى ئه‌نجومه‌نى نوێنه‌رانى عێراق .
جگه له‌یه‌كێتى نیشتیمانى كوردستان نه‌بێت ـ سه‌رجه‌م پارت و لایه‌نه‌كان له‌سنورى پارێزگاى سلێمانى ئه‌نجامه‌كانى هه‌ڵبژاردن ڕه‌ت ده‌كه‌نه‌وه به‌هۆى ئه‌و ناڕونی و ساخته‌كارى و ناشافافیه‌ى له‌سلێمانى یه‌كێتى نیشتیمانى كوردستان ئه‌نجامى دا ، به‌جۆرێك یه‌كێتى له‌ڕێگاى هێزى سه‌ربازییه‌وه چه‌ندین پێشێلكارى ئه‌نجام دا له‌ده‌نگدانى گشتى و تایبه‌تی دا به‌رامبه‌ر به‌و لایه‌نانه‌ى كه‌لایه‌نگرى ئه‌و نین ، تایبه‌ت ڕێگرى كردن له‌ئه‌ندامانى پارتى له‌نه‌چوونیان بۆ سه‌ر سه‌ندوقى ده‌نگدان له‌پێناو ده‌نگ نه‌دانیان ، وه‌جگه له‌و هێزانه‌ى یه‌كێتى جولاندى له‌قه‌زاو ناحیه‌كاندا بۆ ترساندنى ده‌نگى هاوڵاتیان .
عه‌تا شێخ حه‌سه‌ن ووته‌بێژى ئه‌نجومه‌نى سه‌ركردایه‌تى سلێمانى پارتى دیموكراتى كوردستان به‌مالپه‌رى كوردستان تى ڤى راگه‌یاند : له‌كۆى پارێزگاى سلێمانى ئه‌نجامى هه‌ڵبژاردن ڕه‌تده‌كه‌ینه‌وه ، ته‌واو ساخته‌كاریه پرۆسه كه له‌سلێمانى ، ئێمه خۆمان ئه‌نجامى ڕێژه‌ى هه‌ڵبژاردنى كاندیدانمان لایه كه‌چه‌نده كه‌چى دواتر به‌ڕێژه‌یه‌كى به‌رچاو ده‌نگه‌كانیان دابه‌زیووه و ده‌ستكاری كراوه ، به‌پێى به‌رنامه دارێژراو یه‌كێتى نیشتیمانى كوردستان ساخته‌كارى ئه‌نجام داوه ، وه‌جگه له‌و هێزه‌ى له‌ئێستادا له‌سنوری سلێمانى ته‌قه به‌سه‌ر باره‌گانماندا ده‌كه‌ن .
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.