جیاواز له هونه‌رمه‌ندانی دیكه ، خانمه هونه‌رمه‌ندی كورد " شارا بابان " به ئاماده‌بوونی مامۆستایانی ئایینی له شاری هه‌ولێر ، به‌رهه‌مه هونه‌رییه‌كانی خۆی له مزگه‌وتی ئاڵتوون نمایشكرد .
ئه‌م هونه‌رمه‌نده ئاشكرایده‌كات ، بیرۆكه‌ی پرۆژه‌ی نمایشكردنی به‌رهه‌مه هونه‌رییه‌كانی له مزگه‌وت ، كۆمه‌ڵێك شت له خۆ ده‌گرێت و ئه‌م كاره‌ی ئاماژه‌یه كه ده‌بێت هونه‌ر له هه‌موو شوێنێك هه‌بێت و به تایبه‌ت مزگه‌وت كه شوێنێكه بۆ خزمه‌تی مرۆڤایه‌تی دروست كراوه ، وتیشی پێویسته هونه‌ر له چوارچێوه‌ی هۆڵ بێته ده‌ره‌وه و له‌گه‌ل بینه‌ر ئاشت بكرێته‌وه و ببێت به كولتوور .
شارا بابان خه‌ڵی شاری سلێمانییه و له هه‌ولێر داده‌نیشێت و له ساڵی 2003 وه ده‌ستی به كاری هونه‌ری كردووه و 5 پێشانگای تایبه‌ت به خۆی كردووته‌وه و له 87 پێشانگای هاوبه‌شیش به‌شداری كردووه ، چه‌ند جارێكیش خه‌ڵاتی رێزلێنانی پێبه‌خشراوه .
کۆمێنت (0)
تا ئێستا هیچ کۆمێنتێک نەکراوە.