پڕۆسه‌ی هه‌ڵبژاردنی ئه‌نجوومه‌نی نوێنه‌رانی عێراق له دوای كاتژمێر ٧:٠٠ ی سه‌رله به‌یانی ئه‌مڕۆوه له شاری سلێمانی ده‌ستی پێكردووه‌و له ئێستاشدا رێژه‌ی به‌شداری كردنی ده‌نگده‌ران وه‌ك پێویست نییه.
له سه‌ره‌تای ده‌ستپێكردنی پڕۆسه‌كه‌وه له به‌شێك له ناوه‌نده‌كانی ده‌نگدان له شاری سلێمانی، ژماره‌یه‌كی كه‌می ده‌نگده‌ران ئاماده‌ییان هه‌بوو، له ئێستاشدا رێژه‌ی به‌شداری كردنی ده‌نگده‌ران وه‌ك پێویست نییه و چاوه‌ڕوان ده‌كرێت له كاتژمێره‌كانی داهاتوودا رێژه‌كه به‌رز ببێته‌وه.
پێشتر كۆمیسیۆنی باڵای سه‌ربه‌خۆی هه‌ڵبژاردنه‌كانی عێراق له سنووری پارێزگای سلێمانی، ٧٩ بنكه‌ی تایبه‌تی كردبویه‌وه بۆ پێدانه‌وه‌ی كارتی ده‌نگدان به ده‌نگده‌ران، به‌ڵام وه‌ك له دواین ئاماری كۆمیسیۆن بڵاوكرایه‌وه، رێژه‌ی وه‌رگرتنه‌وه‌ی كارتی ده‌نگدان له لایه‌ن دانیشتووانی شاره‌كه‌وه ته‌نها ٦٢ له‌سه‌د بووه.
کۆمێنت (0)
تا ئێستا هیچ کۆمێنتێک نەکراوە.