شێخ ئه‌دهه‌م بارزانی به‌رپرسی ئه‌نجوومه‌نی سه‌ركردایه‌تی پارتی له سلێمانی به ماڵپه‌ڕی ده‌زگای سه‌ته‌لایتی كوردستانی ڕاگه‌یاند: پارتی به هیچ شێوه‌یه‌ك سووكایه‌تی قبووڵ ناكات و پێشمه‌رگه قاره‌مانه‌كانی به‌شدار له پرۆسه‌ی ده‌نگدانی تایبه‌ت له به‌كره‌جۆی سلێمانی و شۆێنه‌كانی تری ئه‌م سنووره، دلنیا ده‌كه‌ینه‌وه ئه‌م بێ رێزییه و هێرش كردنه‌ی سه‌ریان و رێگری كردن له چونه ژوری پارتییه‌كان بۆ ده‌نگ دان ، بێ وڵام نامێنێ و چیتر ئه‌م ئیرهابه فكری و فیزیكیه قابلی قه‌بول نییه و لێیان قبوڵ ناكه‌ین.
له لێدوانێكی تایبه‌تیدا شیخ ئه‌دهه‌م بارزانی بۆ سه‌ته‌لایتی كوردستان رایگه‌یاند: ئێمه وه‌ك پارتی دیموكراتی كوردستان ئه‌و هه‌وڵه نه‌زۆكانه‌ی كه ده‌درێت بۆ ڕێگریكردن له ده‌نگدانی پێشمه‌رگه‌و پاسه‌وانانی پارتی ئیدان ده‌كه‌ین و پێیان ده‌ڵێین خه‌یاڵیان خاوه به‌م هه‌وڵه بچووك و نه‌زۆكانه‌وه ڕێگه له دڵسۆزانی پارتی ناگیرێ.
هه‌روه‌ها ڕاشیگه‌یاند: ئێمه ئاگاداری خوله‌ك به خوله‌كی ناوچه‌كه‌ین و ده‌بینین و ده‌زانین كه ڕێگری ده‌كرێت له ده‌نگده‌رانی پارتی و كێشه‌یان بۆ دروستده‌كرێت تا به هه‌ر شێوه‌یه‌ك بێت نه‌هێڵرێت ده‌نگه‌كانیان بده‌ن.
سه‌باره‌ت به هه‌ڵكوتانه سه‌ر تیمی رۆژنامه‌وانی كوردستان تیڤی شێخ ئه‌دهه‌م ڕایگه‌یاند: كرده‌یه‌كی دزێو ناشرین له لایه‌ن هێزه‌كانی ئاسایشی سه‌ر به حیزبی باڵا ده‌ست له بنكه‌ی ده‌نگدانی رووناكی له به‌كره‌جۆ كه به‌رامبه‌ر به كارمه‌ندانی كوردستان تیڤی كراوه كه مایه‌ی قبوڵكردن نییه، شێخ ئه‌دهه‌م بارزانی رایگه‌یاند: له لایه‌ن هێزه‌كانی ئاسایشی سه‌ر به حیزبی باڵا كه په‌لاماری كارمه‌ندانی كوردستان تیڤیاندا، پاسه‌وانانی ئێمه‌ش ئه‌مه‌یان پێ قبووڵ نه‌كراو چه‌كه‌كان له هێزه‌كه ده‌سێن و راده‌ستی به‌رپرسی هێزه‌كه ده‌كه‌نه‌وه.
هه‌روه‌ها ڕاشیگه‌یاند: كارمه‌ندانی كۆمسیۆن له‌سه‌ر پشكی پارتی له سلێمانى له‌سه‌ر خه‌تن تاوه‌كو ئه‌و ڕێگریانه بوه‌ستێنن كه به‌رامبه‌ر به ده‌نگده‌رانی پارتی ده‌كرێت له سنووره‌كه.
کۆمێنت (0)
تا ئێستا هیچ کۆمێنتێک نەکراوە.