به‌یانی ئه‌مڕۆ پێنج شه‌مه له‌سه‌رڕێگای كه‌لار - خانه‌قین و نزیك گوندی سه‌وزبڵاغ به هۆی ڕووداوێكی هاتووچۆوه 8 قوتابی و شۆفێرێك بریندار بوون و برینی هه‌ندێكیان سه‌خته.
به‌ڕێوه‌به‌رایه‌تی پۆلیسی گه‌رمیان ڕایگه‌یاند: به‌یانی ئه‌مڕۆ ئۆتۆمبێلێك له‌جۆری مینی پاس وه‌رگه‌ڕا، كه قوتابیانی زانكۆی خانه‌قینی ده‌گواسته‌وه.
ڕاشیگه‌یاندووه: له‌ئه‌نجامدا شۆفێری پاسه‌كه و 8 قوتابی بریندار بوون.
هه‌روه‌هه ڕاشیگه‌یاندووه: برینداره‌كان دانیشتووی هه‌ریه‌كه له سه‌ید سادق و پێنجوێن و چه‌مچه‌ماڵ و كه‌لارن.
پۆلیس ده‌شڵێت: له‌ئێستادا چاره‌سه‌ری پێویست له‌به‌شی فریاكه‌وتنی شه‌هید هه‌ژار بۆ برینداره‌كان ده‌كرێت و یه‌كێك له‌برینداره‌كان به‌هۆی سه‌ختی برینه‌كه‌یه‌وه ڕه‌وانه‌ی نه‌خۆشخانه‌ی سلێمانی كراوه.
کۆمێنت (0)
تا ئێستا هیچ کۆمێنتێک نەکراوە.