تانیا تاهر سه‌رۆكى لیستى حزبی سۆسیالیستى دیموكراتى كوردستان ڕایده‌گه‌یه‌نێت ، سۆسیالیست شانازى به ڕیفراندۆمه‌وه ده‌كات كه‌له‌ڕۆژێكى مێژوویی ده‌نگى بۆ درا به‌سه‌ركه‌وتوویی ، له‌داهاتوودا هه‌موو خه‌ڵكى كوردستان ده‌زانن ڕیفراندۆم ده‌ستكه‌وتێكى چه‌نده گرنگ و مێژوویی بوو بۆ جه‌ماوه‌ری كوردستان .
تانیا تاهر ڕاشیگه‌یاند : ئه‌وانه‌ى قسه له‌سه‌ر شكستى ڕیفراندۆم ده‌كه‌ن هه‌ڵه‌ن ، بابێن وەسیقەیەكی یاسای بێنن ، كە بڵَێن شكستی ڕیفراندۆم له‌وه‌دایه .
سه‌رۆكى لیستى حزبی سۆسیالیست ڕاشیده‌گه‌یه‌نێت ڕیفراندۆم وه‌سیقه‌یه‌كى گرنگى یاسایی سیاسیى نێوده‌وڵه‌تیه ، گرنگ ئه‌وه‌یه پڕۆسه‌ى به‌ڕێوه‌چوونى ڕیفراندۆم به‌سه‌ركه‌وتوویی به‌به‌ڵێیه‌كى باشى كوردستانیان ده‌نگى بۆ درا .
ناوبراو ڕایده‌گه‌یه‌نێت ئەوانەی داوای دادگاییکردنی ئه‌و كه‌سانه ده‌كه‌ن كه‌ڕیفراندۆمیان ئه‌نجامداوه كه‌پڕۆسه‌كه بچێت به‌ڕێوه كه‌گه‌لێك ده‌نگ له‌سه‌ر ئازاد بوونى خۆی دا ، ئەوە ئه‌و كه‌سانه به‌سیسته‌مى پێشووى جاشایەتی سەردەمی بەعسدا ده‌ڕۆن و لەکەیەکی گەورەن لەمێژووی گەلی کوردستان
تانیا تاهیر ڕاشیده‌گه‌یه‌نێت : له‌ئه‌گه‌رى به‌رده‌وام نه‌بوونى پابه‌ند بوونى عێراق به‌ده‌ستور و وه‌به‌رده‌وامى بوونى له‌پێشێلكارى له‌به‌رامبه‌ر خه‌ڵكى كوردستان و پێنه‌دانى ماف ئه‌وا پێویسته سه‌ركردایه‌تى سیاسی كورد كار به‌كارتى ڕیفراندۆم بكات و داوایی سه‌ربه‌خۆى بوونى بكات
له‌كۆتادا به‌رپرسه‌كه‌ى سۆسیالیست ڕایده‌گه‌یه‌نێت، ناوماڵى كورد یه‌كبخرێت و یه‌ك ڕیزو یه‌ك ده‌نگبین له‌به‌رامبه‌ر به‌غدا ، وه‌له‌كاتى به‌شداریمان له‌حكومه‌تى داهاتووى عێراق له‌دوای هه‌ڵبژاردن پێویسته لایه‌نى سێیه‌م له‌چاودێرانى نێوده‌وله‌تى ئاگادارو به‌شداربن بۆ ئه‌وه‌ى چوار ساڵى داهاتوو دڵنیایی بدرێت به‌خه‌ڵكى كوردستان له‌پێدانى مافه ڕه‌وایی و یاساییه‌كان به‌خه‌ڵكى كوردستان .
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.