له هۆلی "دیاری " له شاری سنه‌ی رۆژهه‌ڵاتی كوردستان پێشانگایه‌كی فۆتۆگرافی بۆ 13 هونه‌رمه‌ندی فۆتۆگرافه‌ری هه‌رێمی كوردستان ده‌كرێته‌وه و بۆ ماوه‌ی چوار رۆژیش به‌رده‌وام ده‌بێت .
به گوێره‌ی راپۆرتێكی شاره‌كانی رۆژهه‌ڵاتی كوردستان ، ئه‌مرۆ سێ شه‌ممه رێكه‌وتی 8/5/2018 له شاری سنه‌ی رۆژهه‌ڵاتی كوردستان پێشانگایه‌كی فۆتۆگرافی بۆ گرووپێك له هونه‌رمه‌ندانی هه‌رێمی كوردستان كراوه‌ته‌وه ، ئه‌م هونه‌رمه‌ندانه‌ی له پێشانگاكه به‌شدارن بریتیین له ( راوێژ عوسمان ،ناسیح عه‌لی خه‌بات ، سامان عه‌لی ، فه‌رید ته‌حسین و شه‌ماڵ غه‌ریب ) و ژماره‌یه‌ك هونه‌رمه‌ندی دیكه .
جێی باسه ، ئه‌م پێشانگا تایبه‌ته‌ی كه بۆ هونه‌رمه‌ندانی هه‌رێمی كوردستان كراوه‌ته‌وه ، تا 11/5/2018 له گه‌له‌ری دیاری له شاری سنه به‌رده‌وام ده‌بێت .
کۆمێنت (0)
تا ئێستا هیچ کۆمێنتێک نەکراوە.