له‌گرته‌یه‌كى ڤیدیۆیدا، ئیسماعیل محه‌مه‌د كادیری پێشكه‌وتوویی یه‌كێتى نیشتیمانى كوردستان به‌پارچه هۆنراوه‌یه‌ك هێرش ده‌كاته سه‌ر به‌رهه‌م ئه‌حمه‌د سالح ، كه‌ناوبراو له‌ئێستادا دوور له‌یه‌كێتى نیشتیمانى كوردستان ، به‌لیستێكى سه‌ربه‌خۆی به‌شدارى كردووه له‌هه‌ڵبژاردنی ئه‌نجومه‌نى نوێنه‌رانى عێراق .
ناوبراو له‌گرته ڤیدیۆكه‌دا بۆ به‌رهه‌م ساڵح ده‌ڵێت : تۆ ئازادى بۆ كوێ ئه‌چى ، تۆ ئازادى ئێستا چى ، به‌ڵام ئه‌وه‌ت له‌لا ڕونبێت هه‌ڵپه‌رست و مه‌سله‌حه‌ت چى ، هه‌ق نیه به‌خۆت بنازى تۆ كه‌سێكى ئیمتیازیت ئه‌زانین بۆچى ناڕازی شه‌یداى پۆست و ئیمتیازیت ، له‌به‌ر پله و پۆست ڕۆیشتى له ڕێبازه‌كه‌ى مام جه‌لال لات دا ، ئه‌وه‌ى له‌ڕێى مام لاده‌دات سپڵه‌یه و نمه‌ك به‌حه‌رامه .
تۆ مام جه‌لال ده‌ستى گرتووى ، له‌ڕێى مام دروست بووی ، له‌و ڕێگایه‌وه سه‌ركه‌وتوویی هه‌ر بۆیه وا زوو ده‌ركه‌وتووی.
ئیسماعیل محه‌مه‌د بۆبه‌رهه‌م سالح ڕاشیده‌گه‌یه‌نێت ، ڕێوى له‌كونى هه‌ڵگه‌ڕێ ، پێشینان ده‌ڵێن گه‌ڕه بێ ، ئه‌وه‌ى وه‌فای بۆ مام نه‌بێت هه‌ر نابوت و بێ فه‌ڕه بێت .
له‌كۆتادا كادیره‌كه‌ى یه‌كێتى بۆ به‌رهه‌م ساڵح ده‌ڵێت : ئێوه وه‌فاتان بۆ خوێنى هاوڕێ شه‌هیده‌كانتان نه‌بوو ، وه‌فا بۆ مرۆڤ زۆر جوانه .
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.