ئەنجامی بەرایی هەڵبژاردنی پەرلەمانی لوبنان راگەیێندراو زۆربەی پارت و قەوارەکان خۆیان بە براوە دەزانن.
ژمارەی کورسی لایەنەکان ئاشکرانە کراوە، بەڵام بەپێی ئەنجامە بەراییەکان هەریەک لە حیزبوڵڵای لوبنان و هێزەکانی لوبنان و پارتی هیوا، ژمارەی کورسییەکانیان زیادی کردووە.
هه‌روه‌ها ژمارەی کورسییەکانی سەعد حەریری، سەرۆکی بزووتنەوەی ئایندە (موستەقبەل) کە سعودیە و وڵاتانی رۆژئاوا پشتگیری لێدەکەن، کەمی کردووە، بەڵام هێشتا وەکو خاوەنی زۆرینەی کورسی لە پەرلەمانی وڵاتەکە دەمێنێتەوە و پێشبینی دەکرێت پارتەکە خۆی حکومەتی داهاتووی لوبنان پێکبێنێت.
خاڵی سەرنجڕاکێش لە هەڵبژاردنی لوبنان زیادبوونی دەنگەکانی حیزبوڵڵایە بە سەرۆکایەتیی حەسەن نەسروڵڵا. حیزبوڵڵا رۆڵێکی کاریگەری چەکداری لە عێراق و سووریا گێڕاوە و بەگشتیی جێگای نیگەرانی گەورەی ئیسرائیل و ئەمریکا و وڵاتانی رۆژئاوایە.
پەرلەمانی لوبنان لە 128 کورسی پێکدێت، 9 ساڵیش بوو بەهۆی ململانێی سیاسییەوە هەڵبژاردنی پەرلەمان لە وڵاتەکەدا ئەنجام نەدەدرا، لەم هەڵبژاردنەشدا رێژی بەشداریکردنی دەنگدەران بۆ 51% دابەزی.
کۆمێنت (0)
تا ئێستا هیچ کۆمێنتێک نەکراوە.